एजेन्सी काठमाण्डौ, जेठ १५ । अनलाइन गेमिङका शौखिनहरु पछिल्लो समय ह्याकरहरुको निसानामा पर्न थालेका छन् । हालै सार्वजनिक एक रिपोर्ट अनुसार साइबर अपराधीहरुले एक चर्चित ट्रोजन मालवेयर अर्थात भाइरसको मद्धतले गेमर्सहरुका डाटा चोरी गरिरहेका छन् । उक्त भाइरसले ह्याकरहरुलाई प्रयोगकर्ताको पासवर्ड चोरी गर्नमा सहयोग गर्दछ । साइबर सेक्योरिटी विशेषज्ञहरुका अनुसार, यो भाइरस निकै खतरनाक छ । यो भाइरसले खासगरी गेमिङका शौखिनहरूले प्रयोग गर्ने डिजिटल प्लाटफर्म

discord  का प्रयोगकर्ताहरुको Two Factor Authetication लाई निस्क्रिय पारी प्रयोगकर्ताका संवेदनशील डाटा चोरी गर्दछ ।

यो भाइरसले प्रयोगकर्ताको सिस्टमका डाटामाथि पहुँच स्थापित गरेसँगै अन्य साथी प्रयोगकर्ताको सिस्टममा पनि आक्रमण गर्दछ । AnarchyGrabber3 नामको यो भाइरस ह्याकर फोरमहरुमा पनि नि:शुल्क उपलब्ध छ । यो भाइरस यस अर्थमा पनि निकै खतरनाक छ कि यसद्वारा ह्याकिङ गरिएका कैयन भिडियोहरु युट्युबमा पनि उपलब्ध छन् । ब्लिपिङ कम्प्युटरको एक रिपोर्ट अनुसार उल्लेखित युट्युब भिडियोहरुमा discord प्रयोगकर्ताका डाटा चोरी गर्ने तरिका समेत बताइएको छ । ह्याकरहरुले निकै सजिलोसँग उक्त भाइरसद्वारा discord प्रयोगकर्तामाथि आक्रमण गरिरहेका छन् ।

वास्तवमा गेमिङ प्रयोगकर्ताको सिस्टममा यो भाइरस गेमको चीट कोड, ह्याकिङ टूल वा कपिराइट सफ्टवेयरको रुपमा प्रवेश गर्दछ । त्यसपछि यो भाइरस प्रयोगकर्ताको कम्प्युटर वा स्मार्टफोनमा इन्स्टल हुन्छ । इन्स्टल भैसकेपछि डिस्कर्ड प्रयोगकर्ताको जाभास्क्रिप्ट फाइलहरु परिवर्तन गरिदिन्छ । त्यसपछि भाइरसले प्रयोगकर्ताको डिस्कर्ड टोकनबाट डाटा चोरी गर्न सुरु गर्दछ ।

यो भाइरसले discord प्रयोगकर्ताको index.js फाइलाई मोडीफाई गरी discordmod.js नामको एक भाइरसयुक्त स्क्रिप्ट लोड गरिदिन्छ । त्यसपछि जब प्रयोगकर्ताले सिस्टममा लगइन गर्ने कोसिस गर्दछन तब यो भाइरसले अकाउन्टको टू फ्याक्टर अथेन्टिकेसनलाई निष्क्रिय पारिदिन्छ ।

टू फ्याक्टर अथेन्टिकेसन निष्क्रिय भएसँगै ह्याकरले वेबहुकको मद्दतले प्रयोगकर्ताको इमेल आइडी, लगइन नेम, युजर टोकन, प्लेन टेक्स्ट पासवर्ड तथा आइपी एड्रेसलाई एक डिस्कर्ड च्यानलमा पुर्‍याउँदछ । त्योसँगै ह्याकरले पीडित प्रयोगकर्ताको साथी रहेका अन्य प्रयोगकर्ताको सिस्टममा पनि भाइरस आक्रमण गर्ने प्रयास गर्दछ ।

अनलाइन गेमर्सहरुमा डिस्कर्ड प्लाटफर्मको लोकप्रियता पछिल्लो समय निकै बढिरहेको छ । विश्वमा डिस्कर्डका प्रयोगकर्ता २५ करोडभन्दा धेरै छन् । त्यसमा डेढ करोड प्रयोगकर्ता यस्ता छन जो यसमा दिनहुँ गेम खेल्दछन् ।

बिहिबार, जेठ १५, २०७७मा प्रकाशित गरिएको
सम्बन्धित खबरहरु
हाम्रो बारेमा

“निष्पक्ष विचार खोजमुलक समाचार सभ्य समाज निर्माण आजको सरोकार” भन्ने नाराका साथ कर्णाली प्रदेश वीरेन्द्रनगर सुर्खेतमा कार्यालय रहने गरी कम्पनी रजिष्टारको कार्यालय र सुचना विभागमा आधिकारिक दर्ता भई नियमित सञ्चार माध्यमको रुपमा काम गर्दै आएको ज्वाला प्रोडक्सन नेपालद्धारा सञ्चालित WWW.JWALAUPDATE.COM नेपाली भाषाको अनलाईन समाचार पत्रिका हो ।

सम्पर्क कार्यालय : वीरेन्द्रनगर सुर्खेत कर्णाली प्रदेश नेपाल
मो. : ९८५८०२८९५७, ९८४८१९६९५७
news : [email protected]
add : [email protected]
सुचना विभाग दर्ता नं :…………………..

हाम्रो टिम

प्रकाशक : ज्वाला प्रोडक्सन नेपाल सुर्खेत
प्रधान सम्पादक : कोमल शाही
सम्पादक : गोविन्द बिश्वकर्मा
विदेश : खगेन्द्र राना मगर र केवि गोतामे
कला साहित्य : अलिफ खान
Graphic Designer : तीर्थ भण्डारी
web Designer : websoft IT Nepal

संवाददाताहरु

१० वटै जिल्लाबाट संवाददाताहरु आबश्यक्ता परेकाे हुंदा ईच्छुकले सम्पर्क गर्नुहाेला । सम्पर्क माे. ९८५८०२८९५७, ९८४८१९६९५७