ज्वाला अपडेट
काठमाडौं । पार्टीको साधारण सदस्यसमेत नरहने गरी कारबाहीमा परेका नेकपा (एमाले) का वरिष्ठ नेता झलनाथ खनालले अध्यक्ष केपी शर्मा ओली कम्युनिष्ट आन्दोलनको ‘गद्दार’ रहेको टिप्पणी गरेका छन् । आफूहरूले पार्टीलाई जोगाएर यहाँसम्म ल्याएको बताउँदै उनले कारबाहीको कुनै अर्थ नरहेको खनालले बताएका हुन् ।
वरिष्ठ नेता माधवकुमार नेपालले ओलीले आफूहरूलाई धकेलेर बाहिर निकाल्न खोजेको आरोप लगाएका छन् । नेता नेपालले कम्युनिष्ट पार्टीलाई क्रान्तिकारीकरण गर्ने सोच रहेको भन्दै कसरी गर्ने भन्ने विषयमा छलफल गरिरहेको बताए ।
“प्रधानमन्त्री तथा पार्टी अध्यक्ष केपी शर्मा ओलीको मुख्य उद्धेश्य विदेशीहरूको इसारामा कम्युनिष्ट पार्टीलाई छिन्नभिन्न बनाउने हो नेता नेपालले भने अब पार्टी विभाजन गर्ने हो । उहाँ विदेशीहरूको कठपुतली बन्नुभएको छ। त्यही भएर विदेशीहरूको प्रिय पात्र बन्न खोज्नुभएको छ। विदेशीको प्रिय बन्नका लागि कम्युनिष्ट पार्टीलाई बर्बाद पार्न लाग्नुभएको छ, त्यसो हुनाले क्रान्तिकारी पार्टी निर्माण गर्ने र कम्युनिष्ट पार्टीलाई क्रान्तिकारीकरण गर्ने हाम्रो सोच छँदैछ । कम्युनिष्ट पार्टीलाई कसरी लोकतान्त्रिक बनाउने, क्रान्तिकारी पनि बनाउने र जनताको प्रिय पार्टी बनाउने भन्ने विषयमा हामी छलफल चलाउँछौँ ।”
यसैगरी, नेता भीम रावलले आफूहरूलाई गरिएको कारबाही हास्यास्पद भएको टिप्पणी गरेका छन् । समाजिक सञ्जाल ट्वीटरमा नेता रावलले राष्ट्रघाती काम गर्ने ओलीले साधारण सदस्यबाट हटाएको भन्नु फुटवादको निरन्तरता भएको उनले लेखेका छन् ।
सोमबार एमालेका पूर्व प्रमुख समेत रहेका वरिष्ठ नेता द्वय माधवकुमार नेपाल र झलनाथ खनालसहित ११ जना नेतालाई साधारण सदस्यसमेत नरहनेगरी संस्थापन (ओली पक्षले) निष्कासन गरेको छ ।
मंगलबार, जेठ ११, २०७८मा प्रकाशित गरिएको
१.
२.
३.
४.
५.
६.
