ज्वाला अपडेट
सुर्खेतको वीरेन्द्रनगर नगरपालिका–१० घुस्रा रोडमा मोटरसाइकलको ठक्करबाट एक जनाको मृत्यु भएको छ भने दुई जना घाइते भएका छन्।
शुक्रबार राति घुस्राबाट तीनकुने चोकतर्फ जाँदै गरेको लु ७२ प २००९ नम्बरको बुलेट मोटरसाइकलले पैदलयात्रीलाई ठक्कर दिँदा दुर्घटना भएको हो।
दुर्घटनामा परी वीरेन्द्रनगर नगरपालिका–१० बुदबुदे बस्ने ३७ वर्षीय विवेक थापा, २९ वर्षीया सुनिता थापा र मोटरसाइकल चालक २२ वर्षीय दीपेश चौधरी घाइते भएका थिए।
प्रहरीका अनुसार विवेकको टाउकोमा गम्भीर चोट लागेको थियो भने उनकी श्रीमती सुनिताको टाउको तथा शरीरका विभिन्न भागमा चोट लागेको थियो। मोटरसाइकल चालक चौधरीको अनुहारमा चोट लागेको थियो।
तीनै जनालाई प्रारम्भमा कर्णाली प्रदेश अस्पताल, कालागाउँ सुर्खेतमा उपचारका लागि लगिएको थियो। अवस्था गम्भीर भएपछि थप उपचारका लागि शुक्रबार राति करिब ९ बजे नेपालगन्ज रिफर गरिएको थियो।
नेपालगन्ज लैजाने क्रममा राति बाटोमै विवेक थापाको मृत्यु भएको प्रहरीले जनाएको छ। उनको शव कर्णाली प्रदेश अस्पताल, कालागाउँको शवगृहमा राखिएको थियो।
घाइते सुनिता थापा र मोटरसाइकल चालक दीपेश चौधरीलाई थप उपचारका लागि नेपालगन्ज लगिएको प्रहरीले जनाएको छ।
दुर्घटनापछि मोटरसाइकल ट्राफिक प्रहरीले नियन्त्रणमा लिएको छ। घटनाबारे थप अनुसन्धान भइरहेको छ।
१.
२.
३.
४.
५.
६.
