ज्वाला अपडेट
काठमाडौ, असार १७ । नेपाल आयल निगमले ईन्धनको मुल्यमा वृद्धि गरेको छ । मंगलबार राती १२ बजे दखि लागु हुने गरी पेट्रोलको मूल्य ५ रुपैयाँले बढेको छ ।
इन्डियन आयल कर्पोरेसनले पठाएको नयाँ मूल्यअनुसार नेपालमा इन्धनको मूल्य बढाउने निर्णय गरिएको निगमका प्रवक्ता विनितमणि उपाध्यायले बताए ।
निगमको निर्णयअनुसार पेट्रोलको खुद्रा मूल्य ५ रुपैया, डिजेल र मट्टीतेलमा २/२ रुपैयाँ बढेको छ । निगमले हवाई इन्धन र खाना पकाउने एलपी ग्यासको मूल्य यथावत राखेको छ ।
अब पेट्रोल, डिजेल र मट्टीतेल कुन ठाउँमा कति मुल्य पर्नेछ ?
नयां खुद्रा मूल्य समायोजनपश्चात् देशका विभिन्न ठाउँमा मुल्यदर तोकिएको छ । थानकोट, सुर्खेत र दिपायलका लागि पेट्रोल प्रतिलिटर १ सय १, डिजेल ८७ र मटितेल ८७ रुपैयाँ पर्नेछ ।
त्यसैगरी पोखरा र दाङका लागि पेट्रोल प्रतिलिटर १ सय रुपैंया ५० पैसा, डिजेल ८६ रुपैयाँ ५० पैसा र मटितेल ८६ रुपैयाँ ५० पैसा पर्ने निगमले जनाएको छ ।
चारआली, विराटनगर, महेन्द्रनगर, वीरगन्ज, अमलेखगन्ज, भलवरी, नेपालगन्ज र धनगढीका लागि पेट्रोल ९९ रुपैयाँ ५० पैसा, डिजेल ८५ रुपैयाँ ५० पैसा र मटितेल ८५ रुपैयाँ ५० पैसा पर्नेछ ।
बुधबार, आषाढ १७, २०७७मा प्रकाशित गरिएको
१.
२.
३.
४.
५.
६.
