जेब्रा क्रसिङ्ग भनेको सडक पार गर्ने ठाउँ हो जहाँ पैदलयात्रुहरू सुरक्षित रूपमा सडक काट्न सहयोग होस भनि सडकमा बनाइएको सेतो र कालो धर्का हुन, जुन जेब्रा जनावरकोढाँडमा भएको धव्बा जस्तै देखिन्छन् । पैदलयात्रुको प्राथमिकता हुने ठाउँ, चालकहरूले गति कम गर्नुपर्ने, पैदलयात्रुलाई बाटो काट्न सहज हुने र ट्राफिक नियमअनुसार सबैभन्दा सुरक्षित पार गर्ने स्थान जेब्रा क्रसिङ्ग हो ।

जेब्रा क्रसिङ् किन आवश्यकत्ताहरु

✅ पैदलयात्रुको सुरक्षा : जेब्रा क्रसिङले सडक पार गर्ने मानिसलाई सुरक्षित बनाउँछ। चालकहरूले यहाँ अवश्य रोकिनुपर्छ, जसले दुर्घटनाको सम्भावना धेरै घटाउँछ ।

✅ सडकको व्यवस्थापन र ट्राफिक अनुशासन : सडक पार गर्ने ठाउँ स्पष्ट भएकाले सबैले नियमअनुसार चल्न सजिलो हुन्छ । पैदलयात्रु निर्धारित ठाउँबाट मात्र हिँड्छन् र सवारी साधनले कहाँ रोकिने हो भन्ने थाहा हुन्छ ।

✅ दुर्घटना कम गर्छ : अनियन्त्रित रूपमा सडक वारी–पारी दौडिने गर्दा धेरै दुर्घटना हुने सम्भावना हुन्छ । जेब्रा क्रसिङले यो जोखिम कम गर्छ ।

✅ बालबालिका, वृद्ध तथा अपाङ्गताको लागि विशेष उपयोगी : सडक छिटो पार गर्न नसक्ने मानिसलाई सुरक्षित ढंगले समय मिलेर पार गर्न मद्दत गर्छ ।

✅ स्मार्ट तथा सुरक्षित शहर निर्माणको आधार : ट्राफिक व्यवस्थापन सुधार गर्न, शहरलाई सुरक्षित र व्यवस्थित बनाउन जेब्रा क्रसिङ आवश्यक हुन्छ ।

जेब्रा क्रसिङ्ग पैदलयात्रुले ध्यान दिनुपर्ने कुरा

✅ दायाँ–बायाँ हेरेर मात्र पार गर्नु : सवारी आएको/नआएको राम्रोसँग हेर्नु आवश्यक हुन्छ, खासगरी तीव्र गतिमा आएको वाहन हुन सक्छ ।

✅ जेब्रा क्रसिङमै उभिनु, सडकमा नआत्तिनु : सडक पार गर्नु अघि जेब्रा लाइन मै रोकिएर सवारी रोकिन्छ कि हेर्नु ।

✅ सवारी पूर्ण रूपमा रोकिएपछि मात्र हिँड्नु : हल्का ब्रेक लगाएजस्तो देखियो भने तुरुन्त पार गर्न नहिँड्नु ।

✅ मोबाइल चलाउँदै वा हेडफोन लगाएर सडक पार नगर्नु : ध्यान विचलित हुँदा दुर्घटना सम्भावना बढ्छ ।

✅ सीधा र छिटो हिँड्नु, जेब्रा क्रसिङ पार गर्दा बिचमै रोकिनु हुँदैन ।

सवारी चालकले ध्यान दिनुपर्ने कुरा
✅ जेब्रा क्रसिङ नजिक गति कम गर्नु : सडकमा सेतो धारहरू देखिने बित्तिकै ब्रेक लगाएर सवारी साधनको गती कम गर्ने ।
✅ पैदलयात्रुलाई प्राथमिकता दिनु : नियमअनुसार सधैं पैदल यात्रुलाई प्राथमिकताका साथ सडक पार गर्न दिने ।
✅ जेब्रा क्रसिङमा पार्किङ वा रोकिनु हुँदैन : जेब्रा क्रसिङ ढाकियो भने पैदलयात्रु जोखिममा पर्छन् ।
✅ रातको समयमा उच्च सतर्कता अपनाउनु : रातको समयमा कम दृश्यतामा मानिस अचानक नदेखिन सक्ने हुंदा विशेष ख्याल गर्नुपर्दछ ।

जेब्रा क्रसिङ तथा सम्पूर्ण सडक सुरक्षा कायम राख्न ट्राफिक प्रहरीको भूमिका

– पैदलयात्रुको सुरक्षा सुनिश्चित गर्नु : ट्राफिक प्रहरीले जेब्रा क्रसिङ्ग नजिक पैदलयात्रुलाई सुरक्षासाथ सडक पार गराउन मद्दत गर्छ ।
– बच्चा, वृद्ध, अपाङ्गता भएका व्यक्तिलाई विशेष सहयोग ।
– भीडभाडमा मानिसलाई सुरक्षित रूपमा व्यवस्थापन ।

सवारी साधनलाई नियन्त्रण र निर्देशन दिनु

ट्राफिक प्रहरीले हात संकेत सिग्नल मिलाएर
– सवारीलाई कहिले रोक्ने
– कहिले अगाडि बढाउने
– कता मोड्ने

नियम उल्लङ्घन रोक्ने र निगरानी गर्ने

सवारी चालकले जेब्रा क्रसिङ उल्लङ्घन गरेमा
– जरिवाना गर्न
– चेतावनी दिने
– आवश्यक भए कागजात कारबाही गर्ने
काम गर्छ।

जनचेतना फैलाउने

ट्राफिक प्रहरीले विभिन्न ठाउँ, विद्यालय, चोक तथा मिडियामार्फत
– सडक सुरक्षा शिक्षा
– जेब्रा क्रसिङको महत्व
– सही हिँड्ने र चल्ने तरिका

दुर्घटना नियन्त्रण र सहायतामा भूमिका
दुर्घटना भए तुरुन्तै
– सहायता पुर्‍याउने
– एम्बुलेन्स बोलाउने
– ट्राफिक खुला राख्ने

ट्राफिक व्यवस्थापन सुधार गर्न सुझाव दिनु

समीक्षा, रिपोर्ट र विश्लेषण गरेर
– कहाँ जेब्रा क्रसिङ आवश्यक छ
– कहाँ ट्राफिक लाइट राख्नुपर्छ

आइतबार, मंसिर ०८, २०८२मा प्रकाशित गरिएको