सुर्खेत । कर्णाली प्रदेश अस्पताल सुर्खेतमा रहेको सिटी स्क्यान मेसिन दुई महिना देखि थला परेको छ । गत चैत्र ८ गते बिग्रिएको सिटी स्क्यान मेसिन अस्पतालले चासो नदिदाँ बनाउनमा ढिलाई भएको हो र बिरामीले निजी अस्पतालमै पुगेर सेवा लिन बाध्य भएका छन् ।

प्रदेशकै ठूलो सरकारी अस्पतालमा सिटी स्क्यान मेसिन नहुँदा बिरामी निजी अस्पताल जान बाध्य छन् । कर्णाली प्रदेशको राजधानीसमेत रहेको सुर्खेतमा सिटी स्क्यान मेसिन कर्णाली केयर र देउती अस्पतालमा रहेका छन् । सरकारी अस्पतालमा सिटी क्यान गर्दा कम लागत लाग्ने भएपनि नीजि अस्पतालमा सिटी स्क्यान गर्दा महङ्गो लागत तिर्नुपर्ने बाध्यता रहेको छ ।

अस्पतालको सिटी स्क्यान मेसिन बनाउनका लागि ठेकेदार कम्पनीले चीनबाट सामान मगाएको र आउने शुक्रबारबाट सञ्चालनमा आउने प्रदेश अस्पताल सुर्खेतका सूचना अधिकारी विनोद बस्नेतले बताए ।

मंगलबार, जेठ १४, २०८२मा प्रकाशित गरिएको