ज्वाला अपडेट
सुर्खेत । आगामी जेठमा कर्णाली प्रदेशमा हुन लागेको १० औं राष्ट्रिय खेलकुदको लोगो र मस्कट सार्वजनिक भएको छ । मंगलबार ललितपुरुस्थित अन्तराष्ट्रिय खेलकुद परिसरमा युवा तथा खेलकुद मन्त्री तेजुलाल चौधरीले लोगो र मस्कट सार्वजनिक गरेका हुन् ।
मस्कटमा रेड पाण्डा राखिएको छ भने लोगोमा सात रङ, चन्द्र र सुर्य अंकित छ । मन्त्री चौधरीले दशौं राष्ट्रिय खेलकुदमा सहभागी हुने खेलाडी र प्रशिक्षकको अनलाइन दर्ता प्रणालीसमेत सार्वजनिक गरेका छन् ।
सार्वजनिक भएको अनलाइन प्रणालीमा खेलाडी र प्रशिक्षकले आफ्नो नाम दर्ता गराउन सक्ने जनाइएको छ । कर्णाली प्रदेशमा आगामी ३ जेठदेखि १० गतेसम्म खेलकुदको महाकुम्भ मानिने १० दशौं राष्ट्रिय खेलकुद प्रतियोगिताको मिति तय गरिएको छ ।
२०८१ मंसिरमा गर्ने भनिएको प्रतियोगिता पूर्वाधार नपुगेको भन्दै चैतमा सारिएको थियो । पुनः तयारी नपुगेको भन्दै तेस्रो पटक प्रतियोगिता सरेर २०८२ जेठमा पुगेको हो ।
बुधबार, चैत्र ०५, २०८१मा प्रकाशित गरिएको
१.
२.
३.
४.
५.
६.
