ज्वाला अपडेट
सुर्खेत । वाङ्मय चौतारी नेपालको आयोजनामा हुँदै आएको प्रत्यक्ष कथावाचनको तेस्रो श्रृङ्खला नेपाल राष्ट्रिय चन्द्रगंगा माध्यमिक विद्यालय गाग्रेतालमा सम्पन्न भएको छ ।
वाङ्मय चौतारीका अध्यक्ष समेत रहेका साहित्यकार गणेशभक्त गौतम, कथाकार उमालाल आचार्य, मीनराज पन्त, गणेश बस्नेत र नारायण विक्रम जिसी तथा मणीकुमार पोखरेलले कथावाचन गरेका थिए । विद्यालयका कक्षा ९ देखि १२ सम्मका छानिएका विद्यार्थीहरुलाई समेटेर सहभागी गराईएको थियो ।
कार्यक्रममा कथावाचन पश्चात बोल्दै विद्यालयका प्रधानध्यापक नेत्रमणी चालिसेले साहित्यकारहरुले विद्यार्थीहरुलाई उत्प्रेरणा हुने ढंगबाट कार्यक्रमको आयोजना गरेकोमा खुसी व्यक्त गरे । कार्यक्रममा शिक्षक नवराज खड्काले स्वागत गरेका थिए भने विद्यालय व्यवस्थापन समितिका सदस्य हरिलाल कँडेलको प्रमुख आतिथ्यता तथा गणेशभक्त गौतमको अध्यक्षतामा कार्यक्रम भएको थियो ।
कार्यक्रमको सहजिकरण खगेन्द्र अधिकारी अमृतले गरेका थिए । कार्यक्रममा कोमल शाही, विन्दु हमाल, कल्पना धमला, जयन्ता गिरी, जयप्रसाद आचार्य लगायतको उपस्थिति रहेको थियो ।
शनिबार, पौष ०६, २०८१मा प्रकाशित गरिएको
१.
२.
३.
४.
५.
६.
