ज्वाला अपडेट
काठमाडौं । कर्णाली प्रदेशका दुई अस्पताल सहित देशभर विभिन्न १२ वटा अस्पताललाई अर्थ मन्त्रालयले अक्सिजन प्लान्ट स्थापना, अक्सिजन ट्यांक, एचडियु जडान र पिसिआर मेसिन खरिदका लागि थप ८ करोड १० लाख रुपैयाँ छुट्याएको छ । दैलेख अस्पताल र चौरजहारी अस्पताल रुकुम पश्चिम अस्पतालका लागि ७५ लाख रकम विनियोजन गरिएको अर्ग मन्त्रालयले जनाएको छ ।
स्वास्थ्य तथा जनसंख्या मन्त्रालयले माग गरे अनुसार अर्थ मन्त्रालयले कोभिड नियन्त्रण, उपचार तथा रोकथामका लागि आवश्यक सामग्री तथा पूर्वाधारको व्यवस्था गर्न विभिन्न समयमा सहमति दिँदै आएको छ ।
यस्तै, शिक्षण अस्पताललाई ८० लाख, चौतारा, धनकुटा, जलेश्वर र इलाम जिल्ला अस्पताललाई ७५ लाख, जिल्ला अस्पताल संखुवासभालाई ८० लाख, रामेछाप अस्पताललाई ७५ लाख, टिकापुर अस्पताल कैलालीका लागि ७५ लाख, ओखलढुङ्गा अस्पतालका लागि २५ लाख र तनहुँको व्यास अस्पतालका लागि २५ लाख रकम रहेको छ ।
सोमबार, जेठ १०, २०७८मा प्रकाशित गरिएको
२.
३.
४.
५.
६.
