ज्वाला अपडेट
सुर्खेत । आर्थिक अभावमा एक सातादेखि घरमै थलिएका आँखा रोगी बराहताल गाउँपालिका ८ का भक्तबहादुर कामीको उपचार डा. सन्दुक रूइतले गरिदिने भएका छन् । आर्थिक अवस्था नाजुक भएकाले उनको उपचारका लागि परिवारका सदस्यहरुले सहयोगको याचना गरेको समाचार सञ्चार माध्यममा आएपछि काठमाडौंको तिलगंगा आँखा अस्पतालका कार्यकारी निर्देशक डा. रूइतले उपचार निःशुल्क गर्ने भएका हुन् ।
डा. रूइतले उपचार गर्ने बताएपछि बिरामी भक्तबहादुरलाई विभिन्न अभियन्ता तथा आफन्तको सहयोगमा २७ हजार रुपैयाँमा जिप रिजर्भ गरी शुक्रबार नै काठमाडौं पठाइएको स्थानीय विवश कठायतले जानकारी दिए ।
पूर्णबहादुर कामीका १५ वर्षीय छोरा भक्तबहादुरको वैशाख २३ गते आफ्नै घरमा कामगर्ने शिलसिलामा आँखामा ढुङ्गाले लागेर आँखा फुटेको हुँदा उपचारमा समस्या भएको हो। उपचार काठमाडौ तिलगंगा आँखा अस्पतालमा गर्नुपर्ने र पैसा नभएको भन्दै छोराको उपचारको लागि पूर्णबहादुरले सहयोग मागेका हुन् ।
शनिबार, जेठ ०१, २०७८मा प्रकाशित गरिएको
२.
३.
४.
५.
६.
