ज्वाला अपडेट
सुर्खेत । पछिल्लो २४ घण्टामा कर्णाली प्रदेशमा थप ४ सय ९७ जनामा कोरोना भाइरस (कोभिड १९) को संक्रमण पुष्टी भएको छ । प्रदेशका विभिन्न प्रयोगशालाहरुमा आरटी पिसिआर विधिबाट गरिएको परिक्षणमा २ सय ६६ र ¥यापिड एन्टिजेन विधिबाट गरिएको परिक्षणमा २ सय ३१ जनामा संक्रमण पुष्टी भएको हो ।
संक्रमित हुनेमा सुर्खेतका ३ सय ८, दैलेखमा ४७, जुम्लाका २०, जाजरकोटका १४, सल्यानका २२, रुकुम पश्चिमका ५४, कालिकोटका १३, मुगुका १८ र डोल्पाका १ जना रहेका छन् । पछिल्लो २४ घण्टामा थप १९ जना संक्रमित उपचार पछि निको भएका छन् । यो संगै कुल निको हुनेको संख्या ७ हजार ७ सय ९ रहेको छ । थप २ जना संक्रमितको मृत्यु भएसंगै संगै कुल मृतकको संख्या ६५ पुगेको स्वास्थ्य सेवा निर्देशनालय कर्णाली प्रदेशले जनाएको छ ।
यसैविच, देशभर ८ हजार ६ सय ५९ जनामा संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार २० हजार ७ सय ५६जनाको पीसीआर र ६ सय १० जनाको एन्टिजेन परीक्षण भएकोमा ८ हजार ६ सय ५९ जनालाई संक्रमण पुष्टि भएको हो । जसमध्ये ८ हजार ६ सय ५ जनाको पीसीआर परीक्षणमा संक्रमण पुष्टि भएको हो भने ५४ जनाको एन्टिजेन पोजेटिभ देखिएको मन्त्रालयले जनाएको छ ।
पछिल्लो २४ घण्टामा ५८ जना संक्रमितको मृत्यु भएको स्वास्थ्य मन्त्रालयको तथ्यांक छ।
बुधबार, बैशाख २२, २०७८मा प्रकाशित गरिएको
१.
२.
३.
४.
५.
६.
