ज्वाला अपडेट
काठमाण्डौं । चर्चित र्यापर भिटेन उर्फ समिर घिसिङले गाएको नयाँ र्याप ‘पारा’ अहिले यूट्यूवको नेपाल ट्रेन्डिङमा एक नम्बरमा परेको छ ।
यूट्यूव ट्रेन्डिङलाई लोकप्रियताको मानक मान्ने हो भने गीतले अत्यधिक लोकप्रिय बनिरहेको मान्नुपर्ने हुन्छ । ५ दिनमा १० लाख भ्यूज कटाउनु पनि सफलताको सूचक नै हो । कम्तीमा टिनएजर्सले यो गीत सुनेर मज्जा लिइरहेको त स्वीकार्नैपर्छ ।
गीतले झण्डै एक लाख लाइक्स बटुलिसकेको छ भने साढे आठ हजार कमेन्टहरु आएका छन् । अधिकांस कमेन्ट भिटेनलाई फुर्क्याउने खालकै छन् ।
भिटेन तिनै र्यापर हुन् जसलाई अश्लील गीत गाएको आरोपमा एक वर्ष अगाडि प्रहरीले पक्राउ गरेको थियो । उनले गाएको ‘हामी यस्तै त हो नि ब्रो’ गीतमा प्रहरीको बदनाम गरेको आरोप लगाइएको थियो । साथै, महिलाहरुलाई ‘माल’ को संज्ञा दिएको भनेर व्यापक आलोचना पनि भएको थियो ।
तर, अहिलेको गीतमा पनि उनले ‘माल’ शब्दको प्रयोग गर्नुका साथै अश्लील शब्दको समेत प्रयोग गरेका छन् ।
शनिबार, कार्तिक १५, २०७७मा प्रकाशित गरिएको
१.
२.
३.
४.
५.
६.
