ज्वाला अपडेट
सुर्खेत । प्रहरी जवान संगीतत तर्फको परीक्षामा सहभागी भएका नक्कली परीक्षार्थी पक्राउ परेका छन् ।
सुर्खेतको वीरेन्द्रनगरमा रहेको लोकसेवा आयोगका कार्यालयमा सञ्चालन भएको उक्त परीक्षामा सहभागी भएका ७ जना नक्कली परीक्षार्थी र त्यसको व्यवस्थापन मिलाउने एक जनालाई पक्राउ गरिएको जिल्ला प्रहरी कार्यालय सुर्खेतले जनाएको छ ।
बुधवार १ बजेदेखि ३ बजेसम्म सञ्चालन भएको लिखित परीक्षामा सहभागी भएका नक्कली परीक्षार्थीहरुलाई पक्राउ गरिएको हो ।
पक्राउ पर्नेहरुमा दैलेखको भगवतीमाई गाउँपालिका ७ का तिलक विक, सोही ठाउँका दीपेन्द्र विक, गुराँस गाउँपालिका २ का रामबहादुर कार्की, सुर्खेतको वीरेन्द्रनगर नगरपालिका १ का याम पौडेल, दैलेखको चामुण्डाविन्द्रासैन नगरपालिका ५ का रमेश प्रसाद न्यौपाने, सुर्खेतका पञ्चपुरी नगरपालिका २ का उत्तम विसी, पञ्चपुरी नगरपालिका १ का रुद्र प्रसाद शर्मा रहेका छन् ।
यस्तै उनीहरुलाई नक्कली परीक्षार्थी बनाएर सहभागी गराउने पञ्चपुरी नगरपालिका २ का दीपक कँडेललाई पनि पक्राउ गरिएको प्रहरीले जनाएको छ । पक्राउ परेकाहरु ती नक्कली परीक्षार्थीहरुले दैलेखको भगवतीमाई गाउँपालिका ७ का कमल विक, चक्रराज विक, गुराँस गाउँपालिका २ का रण बहादुर रावल, जाजरकोटको भेरी नगरपालिका १० का धनबहादुर डाँगी, दैलेखको नारायण नगरपालिका ७ का चन्द्र बहादुर राना, सुर्खेतको पञ्चपुरी २ का यज्ञ विसी, बर्दीयाको राजापुुर नगरपालिका १० का अर्जुन सुनारको ठाउँमा परीक्षा दिन थालेका थिए ।
बिहिबार, मंसिर २५, २०७७मा प्रकाशित गरिएको
१.
२.
३.
४.
५.
६.
