काठमाण्डौं । बिहीबार दक्षिण भारतमा एक्कासी परेको मुसलधारे वर्षा र बाढीका कारण ३० बढी व्यक्तिको मृत्यु भएको भारतीय अधिकारीले जानकारी गराएका छन् ।

भारतका ठूला प्रविधि कम्पनीहरूको केन्द्र सहर हैदरावादमा वर्षाका कारण बाढी तथा डुबान भई एउटा पर्खाल भत्किँदा कम्तीमा नौ जना र १० जना अन्य व्यक्तिको करेन्ट लागेर मृत्यु भएको स्थानीय अधिकारीले जानकारी दिए ।

बाढी तथा डुबानमा परी अलपत्र परेका व्यक्तिहरूको खोजीका लागि राष्ट्रिय विपद् व्यवस्थापन बल तथा प्रहरी र सेना विभिन्न स्थानहरूमा तैनाद गरिएको छ ।

बङ्गालको खाडीमा एक्कासी आएका तरङ्गहरूका कारण अनपेक्षित घटना हुन पुगेको मौसमविद्हरूले बताएका छन् ।

वर्षाका कारण सबैभन्दा बढी तेलङ्गना राज्य प्रभावित भएको छ भने मुसलधारे पानीको असर आन्ध्रा प्रदेश र कर्नाटकमा समेत परेको छ खबरडवलीमा समाचार छ ।

https://youtu.be/xxfi9NkxPcI

बिहिबार, आश्विन २९, २०७७मा प्रकाशित गरिएको