सुर्खेत । सुर्खेत महिला जेसीजले आफ्नो बार्षिक कार्यक्रम तालिकाअनुसार यही असोज १६ गतेबाट सप्ताहव्यापी कार्यक्रम गर्ने भएको छ ।

सुर्खेत महिला जेसीज बर्ष २०२० ले आज पत्रकार सम्मेलनको आयोजना गरि यस्तो जानकारी दिएको हो । १६ गते उद्घाटन तथा बाढीपिडितहरुकालागि स्वास्थ्य सामाग्री वितरण, १७ गते वक्तृत्वकला प्रतियोगिता, १९ गते उद्घोषणकला तालिम, २१ गते मानव सेवा आश्रममा दन्तशिविर, २३ गते महिलाहरुकालागि प्याड बनाउने तालिम र २४ गते नारी सम्मान तथा समापन रहेको बर्ष २०२० का अध्यक्ष प्रमी शाक्यले जानकारी दिईन् ।
संसार नै कोरोना भाइरस कोभिड १९ को महामारी फैलिरहेकोले सामाजिक दुरी कायम गर्दै कार्यक्रम गर्न लागेको अध्यक्ष शाक्यले बताईन् ।

बुधबार, आश्विन १४, २०७७मा प्रकाशित गरिएको