सुर्खेत । नव गायक मुकेश पुलामी मगरको लोक तथा दोहोरी गीत ‘मुटु भित्र मायालु’ बजारमा आएको छ ।

सम्झना डिजिटल युटुब च्यानलबाट सार्बजनिक भएको उक्त गीतमा रेशम चिदी र अञ्जली अधिकारीको अभिनय रहेको छ । गणेश अधिकारीको शब्द, संगीत रहेको गीतमा मुकेश पुलामी मगर र सम्झना पुनको आवाज रहेको छ ।

यो पनि हेर्न नछुटाउनुहोला…….

https://www.youtube.com/watch?v=xxfi9NkxPcI

प्रत्यक्ष दोहोरी मार्फत थुप्रैको मन जित्न सफल भएका गायक पुलामीले आवाज दिएको पहिलो गीत बजारमा आएको हो । गायक पुलामीको थुप्रै गीतहरु रिलिज हुने तयारीमा छन् ।

उनको केही साता पश्चात अर्को गीतसमेत बजारमा आउने तयारीमा छ । यसअघि पनि पुलामीको आवाज रहेको प्रर्दशोन्मुख गीत ‘पीरले मुटु पोल्छ’ टिकटकमा ख्याती कमाउन सफल भएको थियो ।

उनका कोशेलीहरु बजारमा भर्खर आउन थाले पनि उनको आवाजले साङ्गितिक कार्यक्रमहरुमा व्यस्तता र चर्चा पहिले देखि नै रहेको पुलामीका मित्र गायक तथा कार्यक्रम प्रस्तोता प्रकाश रशाईली भावुकले जानकारी दिए ।

भिडियो हेर्न यहाँ क्लिक गनुृहोला…………….

 

मंगलबार, आश्विन १३, २०७७मा प्रकाशित गरिएको