ज्वाला अपडेट
सुर्खेत । पाँच जना स्वास्थ्यकर्मी र तीन पत्रकारसहित कर्णालीमा २८ जनामा कोरोना पुष्टी भएको छ । आज संक्रमितहुने २८ जनामध्य बैंकका कर्मचारी पाँच, उपचारमा रहेका विरामी तीन, वीरेन्द्रनगर नगरपालिकाका कर्मचारी र सुरक्षाकर्मी दुई, प्रध्यापक, शिक्षक र व्यापारी एक एक जना छन् ।
कोरोना पुष्टि भएका पत्रकार सूर्यप्रकाश कंडेल, टिका विष्ट र गणेश वलीले आफूहरुमा कोरोना पुष्टि भएको र कुनै लक्षण नभएको र स्वास्थ्य अवस्था सामान्य भएको जानकारी सामाजिक सञ्जाल फेसबुकमार्फत जानकारी गराएका छन् । उनीहरुले आफ्नो क्लोज कन्ट्याक्टमा रहेकाहरुलाई पीसीआर परीक्षण गर्न अपिल समेत गरेका छन् ।
प्रदेश अस्पताल पशुपन्छी रोग अन्वेषण प्रयोगशाला, सुर्खेतमा २७ र चौरजहारीमा प्रयोगशालामा गरिएको परिक्षणमा एकगरी २८ जनामा कोरोना पुष्टि भएको सामाजिक विकास मन्त्रालयका जनस्वास्थ्य अधिकृत करुणा भट्टराईले जानकारी दिइन् । उनकाअनुसार आज संक्रमित पुष्टि भएकाहरुमध्य वीरेन्द्रनगरका २२, दैलेख, बझाङ, सर्लाही, बाँके, दाङ र सल्यानका एकरएक जना छन् ।
३९ जना डिस्चार्ज
पछिल्लो २४ घण्टामा ३९ जनाले कोरोना जितेर डिस्चार्ज भएका छन् । योसँगै कर्णालीमा डिस्चार्ज हुनेको संख्या दुईहजार ५७० जना रहेको जनस्वास्थ्य अधिकृत भट्टराईले जानकारी दिइन् । नयाँ संक्रमण पुष्टि भएकासहित कर्णालीका विभिन्न स्थानमा आइसोलेसनमा रहेका संक्रिय विरामीको संख्या २८७ जना छन् ।
१.
२.
३.
४.
५.
६.
