ज्वाला अपडेट
काठमाडौं । नेपाली कांग्रेसका सभापति शेरवहादुर देउवाले राष्ट्रपति र प्रधानमन्त्री मिलेर संविधानको ठाडो उल्लंघन गरेको आरोप लगाएका छन् ।
नेपाल प्रेस युनियनको ३१ औं वर्ष प्रवेशको अवसरमा युनियनले गरेको अर्चुअल कार्यक्रमलाई सम्बोधन गर्दै पूर्वप्रधानमन्त्री समेत रहका देउवाले मध्यरातमा संसद विघटन गर्नु असंवैधानिक भएको जिकीर गरे ।
संविधान र लोकतन्त्र सिद्धयाउने गरी प्रधानमन्त्री ओली र राष्ट्रपति भण्डारीले गलत कदम चाले पनि सम्मानित सर्वोच्च अदालतले संविधान र संसदीय व्यवस्था बचाउने विश्वास देउवाले ब्यक्त गरे ।
कांग्रेसले निर्दलीय चरित्र देखायो भन्नेहरुलाई जवाफ दिँदै संविधान पढ्न आग्रह गर्दै सभापति देउवाले संसद विघटनविरुद्ध सडक आन्दोलनमा उत्रनुपर्ने मत भएपनि आफूले रोकेको बताउदैं कोभिड महामारीमा जनताको जीवन ठूलो भएकाले आन्दोलन नगरिएको बताए ।
बिहिबार, जेठ १३, २०७८मा प्रकाशित गरिएको
१.
२.
३.
४.
५.
६.
