ज्वाला अपडेट
काठमाडौं । प्रधानमन्त्री केपी शर्मा ओलीले प्रतिनिधिसभाबाट विश्वासको मत लिने पहल थालेका छन् । यसका लागि उनी एमालेभित्रको विवाद मिलाउन र जनता समाजवादी पार्टी (जसपा) लाई साथमा लिने प्रयन्तमा छन् ।
एमालेको आन्तरिक विवाद समाधान उन्मुख रहेको बताउदैं एमाले संसदीय दलका उपनेता सुवास नेम्वाङले कार्यदलले पार्टीभित्रका सबै खाले समस्याको समाधान निकाल्ने बताएका छन् ।
उनी एमालेभित्र जुटेको सहमति कार्यान्वयनको मापदण्ड तय गर्न गठित कार्यदलमा केपी ओली पक्षबाट संयोजक छन् । बरिष्ठ नेता माधवकुमार नेपालका तर्फबाट भीम रावल संयोजक छन् ।
वालुवाटार स्रोतका अनुसार, प्रधानमन्त्रीले यही जेठ पहिलो साता विश्वासको मत लिन चाहेका छन् । तर, प्रधानमन्त्रीको बुझाइमा अझै अनुकूल वातावरण बनिसकेको छैन ।
प्रधानमन्त्री ओलीले प्रतिनिधिसभाबाट विश्वासको मत प्राप्त गर्न एमालेभित्रको आन्तरिक विवाद मिलाएर मात्रै पुग्दैन, जसपाको समेत विश्वास लिनुपर्ने हुन्छ ।
बुधबार, जेठ ०५, २०७८मा प्रकाशित गरिएको
१.
२.
३.
४.
५.
६.
