सुर्खेत, असार ३१ । क्वारेनटाईनबाट घर फर्किन खोज्दा एक दलित युवक माथि कुटपिट भएको छ ।

सुर्खेतको सिम्ता गाउँपालिका ६ स्थित बागेश्वरी माध्यामिक विद्यालयको क्वारेन्टाइनमा राखिएका सोही गापा ८ का कोरोना संक्रमित दलित युवकले घर फर्किन खोज्दा प्रहरीले मरणासन्न हुनेगरी कुटपिट गरेको हो ।

भारतबाट आई क्वारेन्टाइनमा बसेका साथिहरुसंग घर फर्किन खोज्दा ईलाका प्रहरी कार्यालय बाँदेपीपलका प्रहरी सहायक निरीक्षक विजय पुनले कुटपिट गरेका हुन् ।

उनीहरु दुईसाता क्वारेन्टाइनमा बसेर घर फर्कन लागेका थिए । उनको कुटाइबाट ती युवक घाइते भएका छन् । कुटाइबाट पीडित युवकको हात भाँचिएको र आफन्तले उपचारका लागि अस्पताल लैजान माग गरे पनि स्थानीय तहले समेत बेवास्ता गरेर घटनालाई गुपचुप राखेको पाईएको छ ।

गाउँपालिका अध्यक्ष कविन्द्रकुमार के.सीको उपस्थितिमा पीडित परिवार र प्रहरीबीच कोरोना सञ्चो भएपछि उपचार गर्ने सहमति भएको जानकारी दिईएको छ ।

स्रोत :- https://nagariknews.nagariknetwork.com/social-affairs/273641-1594730449.html?click_from=just_in

बुधबार, आषाढ ३१, २०७७मा प्रकाशित गरिएको