सुर्खेत, असार २८ । जिल्ला प्रहरी कार्यालय सुर्खेतको हिरासतमा रहेका एक थुनावामा कोरोना भाइरसको संक्रमण देखिएपछि जिल्ला प्रहरी कार्यालय सुर्खेतको हिरासत सिल गरिएको छ ।

हिरासतमा रहेका ३६ वर्षीय पुरुषमा कोरोना पोजेटिभ देखिएको जिल्ला प्रहरी कार्यालयका प्रहरी उपरीक्षक राजेन्द्रप्रसाद भट्टले जानकारी दिए ।

जिप्रकामा आउने नयाँ केशका पीडकलाई छुट्टै राखेर पीसीआर परीक्षण गर्ने गरेको एसपी भट्टले बताए ।

पीडित र पीडकको सम्पर्कमा रहेका २३ जनाको पीसीआर परीक्षणका लागि स्वाव संकलन गरेर पठाइएको एसपी भट्टले जानकारी दिए ।

एसपी भट्टका अनुसार वीरेन्द्रनगरका ३६ वर्षीय ती पुरुषले श्रीमान् विदेशमा रहेको मौकामा हाडनाता पर्ने एक महिलालाई करणाी गरेका थिए । बलात्कार आरोपीको बयान सकिएको र अदालतमा मुद्दा दर्ताको प्रकियामा रहेको छ ।

असार १४ गते पीडितको उजुरीका आधारमा पक्राउ गरेको उनलाई हिरासतमा राख्नु अघि आरडिटी गरिएको थियो। आरडिटी गर्दा उनमा कोरोना नेगेटिभ देखिएको थियो ।

यो भिडियो एकपटक अबश्य हेरिदिनुहोला…………………….
https://www.youtube.com/watch?v=O0Ieh-iagWg

आइतबार, आषाढ २८, २०७७मा प्रकाशित गरिएको