ज्वाला अपडेट
काठमाण्डौं, आसार १९ । नेकपा अध्यक्ष एवं प्रधानमन्त्री केपी ओलीले आफ्नो समर्थनमा सडक आन्दोलन गर्न आफ्ना पक्षका युवा नेताहरुलाई निर्देशन दिएका छन् ।
बिहीबार राति ९ बजे पूर्वमन्त्री महेश बस्नेत, युवा संघका रमेश पौडेल, ऐन महर, सुनिता बराललगायतलाई बोलाएर उनले यस्तो निर्देशन दिएका हुन् ।
ओलीले पार्टी बैठक भनेर बोलाई आफ्नो उछितो काडिएको र राजीनामा माग गरिएको प्रसंग उल्लेख गर्दा सहभागी युवा नेताहरुले प्रधानमन्त्री र अध्यक्ष दुवैबाट राजीनामा दिन नहुने सुझाव दिएको जनाइएको छ ।
सहभागीहरुसँग ओलीले वर्तमान राष्ट्रवादी सरकारविरुद्ध देशी विदेशी शक्ति लागिरहेको र त्यो प्रवृत्ति पार्टीमा पनि देखिएको भन्दै यसको भण्डारफोर गर्न आग्रह गरेका थिए ।
प्रधानमन्त्री ओलीले राति १० बजेसम्म उनीहरुलाई ब्रिफिङ गरेका थिए । यसैबीच, प्रधानमन्त्रीको समर्थनमा आज बेलुका ४ बजे वीरेन्द्रनगर सुर्खेतमा प्रदर्शन हुने भएको छ ।
भिडियो हेर्नका लागी यहाँ क्लिक गर्नुहोला………..
शुक्रबार, आषाढ १९, २०७७मा प्रकाशित गरिएको
१.
२.
३.
४.
५.
६.
