सुर्खेत, असार १३ । कर्णाली प्रदेशमा कोरोना संक्रमितको संख्यामा कमि आएको छ । शुक्रबार मात्र २६ जना थप भएको कर्णालीमा शनिबार ७ जनामा मात्र संक्रमित फेला परेको सामाजिक विकास मन्त्रालय स्वास्थ्य सेवा महाशाखा प्रमुख डा. लक्ष्मीनारायण तिवारीले जानकारी दिए ।

शनिबार प्रदेश अस्पताल सुर्खेतको पशुपक्षीं रोग अन्वेषण प्रयोगशाला सुर्खेतमा गरिएको पिसिआर परिक्षणबाट ७ जनाको रिपोर्ट पोजेटिभ आएको र जम्मा संक्रमितको संख्या एक हजार ४ सय ४० जना रहेको डा. तिवारीले जानकारी दिए ।
संक्रमित पञ्चपुरी नगरपालीका ६ का ३७ र ४७ बर्षका पुरुष, पञ्चपुरी नपा ८ का २१ बर्षका पुरुष र सोही नपाका १५ महिनाको बच्चा सहित २५ र ३१ पुरुष तथा ३ बर्षका महिला रहेका छन् ।

यसैविच, शनिबार मात्र कोभिड १९ कोरोना भाईरसलाई जितेर २ सय १४ जना घर फर्किका छन् । नौमुले आईसोलेसन सेन्टर दैलेखबाट १२९ जना पुरुष र ३ जना महिल, डुंगेश्वर आईसोलेसन सेन्टरबाट ५६ जना पुरुष र ७ जना महिला, नारायण आईसोलेसन सेन्टर दैलेख अस्पतालबाट ७ जना पुरुष र २ जना महिला, ठाँटीकाँध आईसोलेन सेन्टरबाट १ जना पुरुष, सालकोट आईसोलेसन सेन्टर सुर्खेतबाट ७ जना पुरुष र १ जना महिला र रुकुम पश्चिमबाट १ जना पुरुष रहेका छन् ।

हालसम्म कर्णालीमा हालसम्म ९ सय ३४ जना कोरोना जितेर घर फर्किएका छन् भने ६ जनाको मृत्यू भईसकेको छ ।

शनिबार, आषाढ १३, २०७७मा प्रकाशित गरिएको