ज्वाला अपडेट
काठमाडौं, असार १३ । नेपालमा शनिबार मात्र ५ सय ५४ जनामा कोरोना भाइरस संक्रमण पुष्टि भएको छ । योसँगै संक्रमितको कुल संख्या १२ हजार ३ सय ९ पुगेको स्वास्थ्य तथा जनसंख्या मन्त्रालयले जनाएको छ ।
स्वास्थ्य मन्त्रालयको नियमित पत्रकार सम्मेलनमा शनिबार मन्त्रालयका प्रवक्ता डा. जागेश्वर गौतमले नेपालका ७७ ओटै जिल्लामा संक्रमण देखिएको जानकारी दिए ।
रसुवाका आठ महिला र एकजना पुरुषमा संक्रमण देखिएसँगै ७७ ओटै जिल्लामा कोरोना पुष्टि भएको उहाँले बताउनुभयो ।
यसैविच, कोरोनाबाट मृत्यु हुनेहरुको संख्या २८ पुगेको छ । शनिबार बिहान कैलालीका ५० वर्षीय एक पुरुषको भरतपुर अस्पतालमा उपचारका क्रममा मृत्यु भएको प्रवक्ता डा. गौतमले जानकारी दिए ।
पछिल्लो २४ घन्टामा १ सय ३६ जना संक्रमित उपचारपछि डिस्चार्ज भएका छन् । यो सँगै नेपालमा कोरोना मुक्त हुनेको संख्या दुई हजार ८ सय ३४ पुगेको छ ।
शनिबार, आषाढ १३, २०७७मा प्रकाशित गरिएको
१.
२.
३.
४.
५.
६.
