ज्वाला अपडेट
काठमाण्डौं, असार ११ । पोखरा स्वास्थ्य विज्ञान प्रतिष्ठान, पश्चिमान्चल क्षेत्रीय अस्पतालको आईसीयूमा उपचाररत एक जना कोरोना संक्रमितको मृत्यु भएको छ ।
स्याङ्जाको सिरुवारी निवासी ५५ वर्षीय पुरुषको गएराति ११ः३५ बजे मृत्यु भएको अस्पतालका सहप्रध्यापक डा. अर्जुन आचार्यले जानकारी दिए । यससँगै नेपालमा कोरोना भाइरस संक्रमणबाट मृत्यु हुने व्यक्तिहरुको संख्या २५ पुगेको छ ।
यसैविच, कर्णाली प्रदेशमा सोमबार थप २८ जनामा कोरोना संक्रमण पुष्टि भएको छ । प्रदेश अस्पताल पशुपन्छी रोग अन्वेषण प्रयोगशाला सुर्खेतमा गरिएको पीसीआर परिक्षणमा सुर्खेत पञ्चपुरी नगरपालिकाका ५ जना, चौकुने गाउँपालिकाका ६ जना, गुर्भाकोट नगरपालिकाका १ जना, भेरीगंगा नगरपालिकाका १ जना रहेका छन् ।
दैलेख भैरवी गाउँपालिका, नौमुले गाउँपालिका र ठाँटीकाँध गाउँपालिका १/१ जना, जाजरकोट छेडागाड नगरपालिकाका र कालिकोट शुभकालिका गाउँपालिकाका १/१ जना रहेका छन् । दाङ लमही नगरपालिका र धनुष मुखियापट्टी मुसहरनिया गाउँपालिकाका १/१ जना जनामा कोरोना पुष्टि भएको हो ।
कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा पम्ला चन्दननाथ नगरपालिकाका ३ जना, सिजा गाउँपालिकाका १ जना र सुप्तरी, रुपन्देही ताप्लेजुङ र उदयपुरका १/१ जनामा कोरोना भाइरस पुष्टि भएको सामाजिक विकास मन्त्रालयले स्वास्थ्य सेवा महाशाखाका प्रमुख डाक्टर लक्ष्मी नारायण तिवारीले बताए । बुधबारसम्म कर्णालीमा संक्रमितको संख्या १३३५ जना पुगेको छ । बुधबारसम्म कर्णाली प्रदेशमा कोभिड–१९ संक्रमण निको भई डिस्चार्ज हुनेको संख्या ५६८ पुगेको छ । कर्णालीमा संक्रमित पुष्टि मध्ये मृत्यु हुनेको संख्या ५ पुगेको छ ।
बिहिबार, आषाढ ११, २०७७मा प्रकाशित गरिएको
१.
२.
३.
४.
५.
६.
