ज्वाला अपडेट
दैलेखको चामुण्डाबिन्द्रासैनी नगरपालिका–९ खाडामा एकै परिवारका ९ वर्षीय आयुश रावल र उनकी २७ वर्षीया आमा कमला रावलको मृत्यु भएको छ।
घरमा सुतिरहेको अवस्थामा दुवै जना अचानक बिरामी परेपछि उपचारका लागि लगिएको थियो। उपचारका क्रममा बालकको बाटोमै मृत्यु भयो भने गम्भीर अवस्थाकी आमाको कर्णाली प्रदेश अस्पताल, सुर्खेतमा भेन्टिलेटरमा उपचार भइरहेका बेला साउन ६ गते बिहान मृत्यु भएको प्रहरीले जनाएको छ।
चिकित्सकले प्रारम्भिक रूपमा सर्पदंश भएको हुन सक्ने आशंका गरेका छन्। यद्यपि घटनाको वास्तविक कारण अझै खुल्न बाँकी रहेको र प्रहरीले घटनाबारे गहन अनुसन्धान अघि बढाएको छ।
बुधबार, साउन ०६, २०८३मा प्रकाशित गरिएको
१.
२.
३.
४.
५.
६.
