ज्वाला अपडेट
सुर्खेत । जबरजस्ती करणी मुद्दामा अदालतबाट सजाय तोकिएपछि फरार रहेका एक प्रतिवादीलाई प्रहरीले पक्राउ गरेको छ ।
पक्राउ पर्नेमा सुर्खेतको वीरेन्द्रनगर नगरपालिका ११ निवासी २८ वर्षीय कृष्ण रिजाल रहेका छन् । जिल्ला अदालत सुर्खेतले उनलाई उक्त मुद्दामा ५ वर्ष कैद सजाय र २ लाख ५० हजार रुपैयाँ जरिवाना तोकेको थियो। अदालतको फैसला पछि उनी फरार रहँदै आएका थिए ।
जिल्ला प्रहरी कार्यालय सुर्खेतबाट खटिएको प्रहरी टोलीले खोजतलासका क्रममा उनलाई वीरेन्द्रनगर नगरपालिका ०८ बाट पक्राउ गरेको जनाएको छ । प्रहरीका अनुसार उनी असार १० गते बिहान करिब १०:२० बजे नियन्त्रणमा लिइएका हुन् ।
जिल्ला प्रहरी कार्यालय सुर्खेतका सूचना अधिकारी प्रहरी नायव उपरीक्षक कवीन्द्र सिंह बोहराले पक्राउ परेका रिजाललाई फैसला कार्यान्वयनका लागि जिल्ला अदालत सुर्खेतमा पेश गरिएको जानकारी दिएका छन् ।
बुधबार, आषाढ १०, २०८३मा प्रकाशित गरिएको
१.
२.
३.
४.
६.
