ज्वाला अपडेट
सुर्खेत । शिक्षा क्षेत्रमा चरम लापरवाही र मनपरी बढ्दै गएको अर्को गम्भीर घटना सार्वजनिक भएको छ । शिक्षक सरुवा कार्यविधि नै मिचेर कालिकोटबाट प्राथमिक तहकी स्थायी शिक्षिका उर्मिला आचार्यलाई विना सूचना काज सरुवा गरिएको खुलासा भएको छ ।
सुर्खेत इकाईमा कार्यरत वि.प्र. शाखाका प्रा.स. प्रकाशचन्द्र धितालले वीरेन्द्रनगर नगरपालिका शिक्षा शाखासँग मिलेमतो गर्दै आचार्यलाई सुरुमा सूर्य आधारभूत विद्यालय, गर्पनमा ल्याएका थिए तर, यति मात्र नभई छोटो समयमै फेरि उनलाई हस्तविर आधारभूत विद्यालयमा काज सरुवा गरिएको छ ।
सबैभन्दा गम्भीर कुरा के छ भने वीरेन्द्रनगर नगरपालिकाले शिक्षक सरुवा कार्यविधि अनुसार अनिवार्य १५ दिने सूचना नै जारी नगरी सरुवा प्रक्रिया अघि बढाएको आरोप लागेको छ । यसले सरुवा प्रक्रिया पारदर्शी नभएको मात्र होइन, आर्थिक चलखेल र आफ्ना नातागोता मिलाउने उद्देश्यले निर्णय गरिएको भन्ने गम्भीर आशंका समेत जन्माएको छ ।
बारम्बारको यस्तो निर्णयले शिक्षा क्षेत्रमा गम्भीर प्रश्न उठाएको छ । के अब सरुवा नियमअनुसार होइन, पहुँच, शक्ति र पैसाका आधारमा हुने हो ?
स्रोतका अनुसार, स्पष्ट आधार, प्रक्रिया र कानुनी मापदण्ड विना गरिएको यस निर्णयले शिक्षक व्यवस्थापन प्रणाली नै धराशायी बनाउने खतरा देखिएको छ ।
१५ दिने सूचना जारी नगरिएकन सरुवा पहुँच र आर्थिक चलखेलको खेल भएको भन्दै मनपरी कहिलेसम्म सहने र जिम्मा कसले लिने भन्ने सरकारलाई प्रश्न सहितको गनासो छ ।
शुक्रबार, बैशाख १८, २०८३मा प्रकाशित गरिएको
१.
२.
३.
४.
५.
६.
