ज्वाला अपडेट
सुर्खेत । सुर्खेतको बराहताल गाउँपालिकाबाट सिकार खेल्न गएका पाँच जना सम्पर्कविहीन भएका छन् । उनीहरूमध्ये एक जनाको मृत्यु भएको भन्ने सूचना प्राप्त भएपछि प्रहरीले खोजतलास सुरु गरेको हो ।
बराहताल गाउँपालिका २ निवासी आसे महतराले दिएको जानकारीअनुसार उनका साला नाता पर्ने बराहताल २ कै वर्ष ३३ का टोपबहादुर खत्रीसहित उनीहरू फागुन २३ गते घरबाट करिब १७ किलोमिटर दक्षिणतर्फ रहेको बर्दिया राष्ट्रिय निकुञ्ज क्षेत्रतर्फ सिकार खेल्न गएको बताएको सुर्खेत प्रहरीले जानकारी दिएको छ ।
घटना भएको अनुमान गरिएको क्षेत्र करिब १७ किलोमिटर दक्षिणतर्फ पर्ने भएकाले जिल्ला प्रहरी कार्यालय बर्दियालाई समेत जानकारी गराइएको छ । हाल घटनाबारे खोजतलास तथा अनुसन्धान कार्य जारी रहेको प्रहरीले जनाएको छ ।
हालसम्म सम्पर्कमा नआएकाहरूमा सुर्खेतको बराहताल गाउँपालिका १ ज्यामिरेका २५ वर्षीय रेशम समसेली, सोही स्थानका ४१ वर्षीय रबिलाल दमाई, ३४ वर्षीय रामबहादुर घर्ति र ३० वर्षीय सुनिल समसेली रहेका छन् ।
यस्तै, सुर्खेतको लेकवेशी नगरपालिका ८ गंगटे घर भई हाल बर्दियामा बस्दै आएका ४५ वर्षीय दुर्गा बहादुर सिजाली पनि सम्पर्कविहीन रहेको प्रहरीले जनाएको छ ।
सोमबार, चैत्र ०२, २०८२मा प्रकाशित गरिएको
१.
२.
३.
४.
५.
६.
