ज्वाला अपडेट
काठमाण्डौं । प्रतिनिधि सभा निर्वाचन २०८२ मा राष्ट्रिय स्वतन्त्र पार्टी रास्वपाले चार सिटमा वीजय हासिल गरेको छ ।
प्रत्यक्ष तर्फ १६५ सिट रहेको प्रतिनिधि सभाका लागि काठमाण्डौं क्षेत्र नं १ बाट रञ्जु न्यौपाने दर्शना, काठमाण्डौ ३ बाट राजुनाथ पाण्डे, काठमाडौं ६ मा शिशिर खनाल र काठमाण्डौ ८ बाट बिराजभक्त श्रेष्ठ विजयी भएका हुन् ।
१५ हजार ४५५ मतसहित विजयी भएकी न्यौपानेले नेपाली कांग्रेसका प्रबल थापालाई पराजित गरेकी छन् भने काठमाण्डौ ३ मा राजुनाथ पाण्डेले उज्यालो नेपाल पार्टीका संयोजक समेत रहेका कुलमान घिसिंगलाई पराजित गरे ।
यस्तै, २७ हजार ७ सय १९ मत सहित काठमाडौं ६ मा शिशिर खनालले निकटतम् प्रतिद्वन्द्वी कांग्रेसका कृष्ण बानियाँ (सबुज) लाई हराएका हुन् भने २४ हजार ५९२ मत पाएका काठमाण्डौ ८ बाट बिराजभक्त श्रेष्ठले नेपाली कम्युनिस्ट पार्टीका सुमन सायमीलाई पछार्दै आफ्नो वीजय सुनिश्चित गरेको हुन् ।
चार ठाउँमा वीजयी भएको रास्वपाले अहिलेसम्मको मतपरिणाममा १०८ ठाउँमा अग्रस्थान कायम राखेको छ ।
शुक्रबार, फाल्गुण २२, २०८२मा प्रकाशित गरिएको
१.
२.
३.
४.
५.
६.
