ज्वाला अपडेट
दैलेख । नेपालगञ्जमा चार महिना बढी उपचार गरेर घर फर्केका बिरामी बोकेको एम्बुलेन्स बुधबार बिहान दुर्घटना भएको छ ।
उपचार गरी घर पुग्नै लाग्दा कर्णाली प्रदेश ०२ ००१ झ ०१०६ नम्बरको नौमूले गाउँपालिकाको एम्बुलेन्स नौमूले गाउँपालिका ५ गजमाली भन्ने स्थानमा बुधबार बिहान दुर्घटनामा परेको थियो ।
दुर्घटनामा नौमूले गाउँपालिका ६ सल्लेरीकी ५५ वर्षीया भविसरा दर्लामी उपचार पछि सन्चो भई घर पुग्नै लाग्दा दुर्घटना परी गम्भीर घाइते भएकी छन् भने अन्य चालक सहित ८ जना घाईते भएको प्रहरीले जनाएको छ ।
दुर्घटनामा भविसराको टाउकोमा गम्भीर चोट लागेको छ भने सोही स्थानका ६५ वर्षीय कर्णबहादुर दर्लामीको छातिमा गम्भीर चोट लागेको छ । एम्बुलेन्स चालक नौमूले गाउँपालिका ५ सल्लेरी निवासी २६ वर्षीय इन्द्रबहादुर मगरलाई प्रहरीले नियन्त्रणमा लिएको छ ।
दुर्घटनामा घाइते हुने अन्य व्यक्तिहरूमा ३५ वर्षीया पवित्रा सलामी, उहाँका ५ वर्षीय छोरा छविलाल सलामी, ३३ वर्षीय अमर सलामी, २६ वर्षीया गीता योगी, ३३ वर्षीय दिपेन्द्र योगी र ४० वर्षीया देवीसरा योगी रहेका छन् । उनीहरू सबै सल्लेरीका बासिन्दा हुन् ।
बुधबार, माघ २२, २०८२मा प्रकाशित गरिएको
१.
२.
३.
४.
५.
६.
