ज्वाला अपडेट
सुर्खेत । सुर्खेतको वीरेन्द्रनगरमा पैदलयात्रीलाई ठक्कर दिएर फरार भएको फोर्स गाडी र गाडीधनीलाई प्रहरीले नियन्त्रणमा लिएको छ ।
शनिवार बिहान ५ बजे तिर वीरेन्द्रनगर १ बाँगेसिमल टेम्पाेपार्क पैदलयात्री ठक्कर दिई फरार लु २ ख ५७८३ नम्बरको फोर्स गाडी सुर्खेतको बोटेचौर क्षेत्रबाट नियन्त्रणमा लिएको जिल्ला प्रहरी कार्यालय सुर्खेतले जनाएको छ । सवारी धनी सिम्ता गाउँपालिका ६ निवासी ३४ वर्षीय लोकबहादुर बी.सी. प्रहरी नियन्त्रणमा छन् ।
तर, गाडी चालक दैलेख स्थायी घर भई हाल वीरेन्द्रनगर २ बस्दै आएका ३२ वर्षीय डिल्लीराज कंडेल भने फरार रहेका छन् । उनको खोजी कार्य तीव्र रूपमा जारी रहेको प्रहरीले जानकारी दिएको छ ।
उक्त गाडीको ठक्करबाट गम्भीर घाइते भएका डुंगेश्वर गाउँपालिका ५ निवासी ४३ वर्षीय जंगबहादुर बुढाको उपचारका क्रममा मृत्यु भएको थियाे ।
फरार चालककाे खाेजि भईरहेकाे छ घटनासम्बन्धी थप अनुसन्धान भइरहेको प्रहरीले जनाएको छ ।
आइतबार, पौष १३, २०८२मा प्रकाशित गरिएको
१.
२.
३.
४.
५.
६.
