सुर्खेत । सुर्खेतमा ट्रकले मोटरसाइकललाई ठक्कर दिँदा मृत्यु भएका युवकको पहिचान खुलेको छ ।

सोमबार दिउँसो करिब १ बजे रत्न राजमार्ग अन्तर्गत छिन्चु–धुलियाविट सडक खण्डको पाडुलेमा ना ५ ख ५६०८ नम्बरको ट्रकले वीरेन्द्रनगरतर्फ आइरहेको लुम्बिनी प्रदेश ०३–००१ प ३६३१ नम्बरको बुलेट मोटरसाइकललाई ठक्कर दिँदा मृत्यु भएका युवक बाँकेको कोहलपुर नगरपालिका २ प्रेमनगरका अन्दाजी १८ वर्षीय ऋतिक शाही रहेको जिल्ला प्रहरी कार्यालय सुर्खेतका प्रहरी नायब उपरीक्षक मोहनजंग बुढथापाले जानकारी दिए । उनको दुर्घटना पछि उपचारको क्रममा प्रदेश अस्पताल सुर्खेतमा मृत्यु भएको थियो ।

त्यस्तै, उनी सगै मोटरसाइकलमा पछाडि सवार अछाम पञ्चदेवल विनायक नगरपालिकाका १८ वर्षीय दमन शाही भने घाइते भएका छन् । उनको अहिले उपचार भइरहेको छ।

सोमबार, आश्विन ०६, २०८२मा प्रकाशित गरिएको