सुर्खेत । सुर्खेतमा नक्कली विवाह गरेर नगद तथा गरगहना ठगी गर्ने दुई जना पक्राउ परेका छन् । सामाजिक सञ्जालमार्फत सम्पर्क गरी आमा बुवा र छोरी बनेर विवाह गर्ने नाटक गराई ठगी गर्ने उद्देश्यले विवाहपछि बेहुलीले नगद र गरगहना लिएर फरार भएको पीडितको जाहेरीका आधारमा प्रहरीले अनुसन्धान थालेको थियो ।

अनुसन्धानका क्रममा एउटै महिलालाई फरक–फरक मितिमा विभिन्न पुरुषसँग विवाह गराई ठगी गरेको तथ्य बाहिर आएपछि उनीहरूलाई पक्राउ गरिएको जिल्ला प्रहरी कार्यालय सुर्खेतले जनाएको छ । पक्राउ परेकामध्ये दैलेखको साविक साढु गा।वि।स–३ घर भई हाल वीरेन्द्रनगर–१० बस्ने ४० वर्षीय गोपाल कुमार विक (होटल सदाशंकरका सञ्चालक) र अछाम तुर्माखाद गाउँपालिका ३ घर भई हाल वीरेन्द्रनगर १० बस्ने ३८ वर्षीया भविसरा रास्कोटी मगर रहेका छन् । प्रहरीका अनुसार उनीहरूलाई ठगी तथा आपराधिक लाभको कसुरमा म्याद थप गरी आवश्यक अनुसन्धान भइरहेको छ ।

बिहिबार, भाद्र १९, २०८२मा प्रकाशित गरिएको