ज्वाला अपडेट
सुर्खेत । यरिचौक–मुलपानी फोरलन सडकमा पानी ढुवानी गर्ने ट्रकले अटोरिक्सालाई ठक्करदिँदा पाँच जना घाइते भएका छन् । हरिडिल भूमी स्कुल भएर फोरलेन सडकबाट यरिचौकतर्फ जाँदै गरेको कर्णाली प्रदेश ०२–००१ ह १३९६ नम्बरको अटोरिक्सालाई मुलपानीबाट आइरहेको कर्णाली प्रदेश ०२–००१ क ०७५४ नम्बरको मिनि ट्रकले ठक्कर दिएको हो ।
ट्रकले ठक्करदिँदा अटोरिक्सा अनियन्त्रित भएर पल्टिएको थियो । दुर्घटनामा अटो चालक महावु गाउँपालिका–३ दैलेखका ३८ वर्षीय डिलबहादुर नेपाली, वीरेन्द्रनगर–३ बस्ने २७ वर्षीय मनिष बयलकोटी, महावु–४ दैलेखका ३० वर्षीय कमला रोका, वीरेन्द्रनगर–३ बस्ने हरी नेपाली र ट्रक चालक वीरेन्द्रनगर–२ बस्ने २३ वर्षीय कमल शाही घाइते भएका छन् । उनीहरुको खुट्टा र हातमा चोट रहेको र अवस्थामा सामान्य रहेको जिल्ला ट्राफिक कार्यालय सुर्खेतका प्रमुख वकिल सुनारले जानकारी दिए ।
घाइतेको सुर्खेत अस्पतालमा उपचार भइरहेको छ । अटो रिक्सा र ट्रक प्रहरीले नियन्त्रणमा लिएर थप अनुसन्धान भइरहेको प्रहरीले जनाएको छ ।
शनिबार, साउन १८, २०८२मा प्रकाशित गरिएको
१.
२.
३.
४.
५.
६.
