ज्वाला अपडेट
सुर्खेत । सुर्खेतको वीरेन्द्रनगर नगरपालिका ११ स्थित धुलियाबिट नजिक बोलेरो गाडीको ठक्करबाट एक जनाको मृत्यु भएको छ भने एक महिला घाइते भएकी छन् ।
गुमीबाट सुर्खेततर्फ आउँदै गरेको क.प्र.०२००१ च ०९४४ नम्बरको बोलेरो गाडीले सडक छेउमा रोकिएको मिनिट्रकबाट घाँस झार्दै गरेका दुई स्थानीयलाई ठक्कर दिएको जिल्ला ट्राफिक प्रहरी कार्यालय सुर्खेतका प्रमुख वकिल सुनारले जानकारी दिए ।
दुर्घटनामा परी वीरेन्द्रनगर नगरपालिका ११ धुलियाबिटका अन्दाजी ३४ वर्षीय प्रेम बुढाको पेट र टाउकोमा गम्भीर चोट लाग्दा उपचारका क्रममा करिब ११ बजेको समयमा उनको मृत्यु भएको छ ।
त्यस्तै सोही दुर्घटनामा परी अन्दाजी ३२ वर्षीया तिलकुमारी बुढा घाइते भएकी छन् । उनको खुट्टामा चोट लागेको छ र अवस्था मध्यम रहेको प्रहरीले जनाएको छ ।
घटनास्थलमा प्रहरी निरीक्षक अजय डाँगीको कमाण्डमा १६ जना सुरक्षाकर्मी परिचालन गरिएको थियो। हाल बोलेरो चालक सुर्खेतको लेकबेशी नगरपालिका ६ का २१ बर्षिय यामलाल सुनार र दुबै सवारी साधन प्रहरीले नियन्त्रणमा लिइएको छ ।
बुधबार, साउन ०८, २०८२मा प्रकाशित गरिएको
१.
२.
३.
४.
५.
६.
