ज्वाला अपडेट
सुर्खेत । ‘हनी ट्रयाप’मा पारी पैसा असुली गर्न खोज्ने एक जना युवतिलाई प्रहरीले पक्राउ गरेको छ । जिल्ला प्रहरी कार्यालय सुर्खेतको टोलीले मंगलबार दैलेखको नौमुले गाउँपालिका ८ घर भई वीरेन्द्रनगर बस्ने सिन्दु चन्दलाई पक्राउ गरेको हो ।
२०८१ भदौमा एक पुरूषसँग सहमतिमा भएको यौन सम्बन्धलाई बलात्कार मुद्दामा फसाईदिने भन्दै सिन्दुले ‘हनी ट्रयाप’मा पैसा असुली गरेको आरोप लागेको छ । ति पुरूषको जाहेरीका आधारमा चन्दलाई पक्राउ गरिएको जिल्ला प्रहरी कार्यालय सुर्खेतका प्रवक्ता डिएसपी मोहनजंग बुढथापाले जानकारी दिए ।
गत भदौमा वीरेन्द्रनगरमा रहेको बुलबुले भ्यू होटलमा सिन्दुले आफैं ति पुरूषलाइ बोलाएकी थिईन् । सोही होटलमा दुई जनाबीच सहमतिमा यौन सम्बन्ध भएको प्रहरीले जनाएको छ ।
उक्त सम्बन्धको फोटो तथा भिडियो सामाजिक सञ्जालमा राखेर बलात्कार मुद्दामा फसाउने भन्दै सिन्दुले ति पुरूससँग १४ लाख २५ हजार रुपैयाँ असुली गरेको जाहेरी परेको छ ।
उक्त रकम उनले फरकफरक मितिमा पीडितबाट लिएकी थिईन् । पक्राउ परेकी सिन्दुलाई हनी ट्रयापमा पारी पीडितबाट आर्थिक लाभ लिएको कसुरमा प्रहरीको हिरासतमा राखेर अनुसन्धान भईरहेको डिएसपी बुढथापाले जानकारी दिए ।
बुधबार, साउन ०८, २०८२मा प्रकाशित गरिएको
१.
२.
३.
४.
५.
६.
