ज्वाला अपडेट
सुर्खेत । वीरेन्द्रनगरको फोरलेन सडकखण्डस्थित मुलपानी नजिकै जेब्रा क्रसमा ट्रकको ठक्करबाट एक महिला गम्भीर घाइते भएकी छन् ।
कालिकोटतर्फ जाँदै गरेको ट्रकले बिहीबार बिहान जेब्रा क्रसिङमा ठक्कर दिँदा दैलेख भैरवी गाउँपालिका ७, बोर्ती निवासी ७३ वर्षीया तुलसी जैशी गम्भीर घाइते भएको जिल्ला प्रहरी कार्यालय सुर्खेतले जनाएको छ ।
उनी हाल प्रदेश अस्पताल सुर्खेतमा उपचाररत छिन् । अस्पताल स्रोतका अनुसार उनको अवस्था गम्भीर भए पनि स्थिर छ । घटनापछि ट्रकलाई नियन्त्रणमा लिइएको छ भने चालक फरार रहेकाे प्रहरीले जानकारी दिएको छ ।
शुक्रबार, बैशाख २६, २०८२मा प्रकाशित गरिएको
१.
२.
३.
४.
५.
६.
