ज्वाला अपडेट
सुर्खेत । उद्योग वाणिज्य संघ सुर्खेतका अध्यक्ष लक्ष्मण कडेंलले सुनचाँदी व्यवसायलाई मर्यादित र विश्वसनिय बनाउन लागिपर्ने बताएका छन् ।
बुधवार सुनचाँदी व्यवसायी संघ सुर्खेतका नवनिर्वाचित कार्यसमितिलाई स्वागत, बधाई तथा सम्मान गर्दै अध्यक्ष कडेंलले व्यवसायलाई समयसापेक्ष बनाउन तालिम तथा प्रशिक्षणको माध्यमबाटै भएपनि सिप र क्षमतालाई उजागर गर्ने बताए ।
सुनचाँदी व्यवसाय कलाले भरिपुर्ण भएकाले दक्ष र अब्बल कारिगर उत्पादन गर्ने गरी संघले पहल गर्ने र उद्योग वाणिज्य संघले सहयोग गर्ने प्रतिवद्धता अध्यक्ष कडेंलले गरे । अन्य पेशागत व्यवसायका हिसावमा सुनचाँदी व्यवसायले उद्योगा वाणिज्य संघबाट सहयोग आएन भन्ने गुनासो आएपछि उनले सुनचाँदी व्यवसायी संघले प्रस्ताव ल्याएर आए संस्थागत रुपमा भएपनि सहयोग गर्न सकिने जानकारी दिए ।
सुनचाँदी व्यवसायी संघ पनि उद्योग वाणिज्य महासंघ अन्तर्गतको वस्तुगत समिति भएकाले वाणिज्य संघ र सुनचाँदी व्यवसायी संघ एकआपसमा सहकार्य अगाडी बढ्नुपर्ने अध्यक्ष कडेंलले बताए ।
कार्यक्रममा उद्योग वाणिज्य संघका अध्यक्ष लक्ष्मण कडेंल लगायत पदाधिकारी तथा सुनचाँदी व्यवसायी संघका नि वर्तमान अध्यक्ष ज्ञानेन्द्र बहादुर बिश्वकर्मा, वर्तमान अध्यक्ष ओम बहादुर वि.क, वरिष्ठ उपाध्यक्ष लाल बहादुर थापा, प्रथम उपाध्यक्ष सन्जिव बराल, द्वितिय उपाध्यक्ष सुनिल रामदाम, तृतिया उपाध्यक्ष महेन्द्र सुनार, महासचिव गोविन्द बिश्वकर्मा, सचिव बिवेक स्वर्णकार, कोषाध्यक्ष बखते सुनार, सदस्य मनोज सुनार, संघर्ष सोनी, रेशम बहादुर बि.क र ललित सुनारको सहभागिता रहेको थियो ।
बुधबार, पौष २४, २०८१मा प्रकाशित गरिएको
१.
२.
३.
४.
५.
६.
