ज्वाला अपडेट
सुर्खेत । रुकुम पश्चिमको चौरजहारी घटनामा बेपत्ता छैटौ युवा गोबिन्द शाहीको शब फेला परेको छ । जाजरकोट रानागाउँका गोबिन्द शाहीको शब भेरी नगरपालिका १२ स्थित खोदा खोला नजिकै भेरी नदी किनारमा भेटिएको जिल्ला प्रहरी कार्यालय जाजरकोटका प्रमुख डिएसपी किशोर श्रेष्ठले बताए ।
उनको शब भेटिएसँगै रुकुम सोतीको घटनामा ज्यान गुमाउने ६ जनाको शब फेला परिसकेको छ । यसअघि नवराज विक, लोकेन्द्र सुनार, टीकाराम सुनार, सञ्जु विक र गणेश बुढाको शब फेला परिसकेको थियो । ३ बर्षे प्रेमलाई विवाहका रुपमा परिणत गर्न रुकुम चौरजहारी सोती गएका जाजरकोट रानागाउँका नवराज वि.क सहित ६ जनालाई सोतीका वडाध्यक्ष डम्बर मल्ल सहित केटी शुष्मा मल्लका घरपरिवार तथा आफन्तले कुटपिट गरी हत्या गरेका थिए ।
हत्यापछि उनीहरुलाई भेरी नदीमा फालिएको स्थानीयको भनाई छ । तर आरोपित पक्षले भने लखेट्दा उनीहरुले ज्यान जोगाउन भेरीमा हाम फालेको दाबी गर्दै आएका छन । प्रहरीले वडाध्यक्ष मल्लसहित १८ जनालाई पक्राउ गरेर अनुसन्धान गरिरहेको छ ।
मंगलबार, जेठ २०, २०७७मा प्रकाशित गरिएको
१.
२.
३.
४.
५.
६.
