ज्वाला अपडेट
काठमाण्डौं । सहकारीमा भएको करोडौं ठगी प्रकरणमा मुछिएका राष्ट्रिय स्वतन्त्र पार्टीका सभापति रवि लामिछाने र उनका पूर्वसहकमर्मी जिबी राईविरुद्ध सहकारी विभागमा उजुरी दर्ता भएको छ ।
गोरखा मिडिया नेटवर्कका अध्यक्ष जिबी राई र तत्कालीन प्रबन्धत निर्देशक लामिछानेविरुद्ध युवराज सफलले सहकारी विभागमा उजुरी दर्ता गराएका हुन् । लामिछाने र राई दुवैविरुद्ध छानबिन र कारबाही मागसहित सफलले नेपाली नागरिकको तर्फबाट उजुरी दर्ता गराएका हुन् । उजुरीमा कानुनबमोजिम हदैसम्मको कारबाही माग गरिएको छ ।
सफलले सहकारीबाट कर्जा झिक्दा गरिएका कर्जा सम्झौताका कागजात र कर्जा प्रवाह गर्दा गरिएका सहकारीको निर्णयका प्रतिलिपि वा सक्कल कागज झिकाई अनुसन्धान गर्न पनि ध्यानाकर्षण गराएका छन् ।
रवि र जिबीको नाम चितवन, पोखरा र बुटवलमा सञ्चालित सहकारीबाट अनधिकृत रुपमा ऋण निकालेर टेलिभिजनमा लगानी गरेको प्रकरणमा जोडिएको छ ।
बुधबार, माघ ०३, २०८०मा प्रकाशित गरिएको
१.
२.
३.
४.
५.
६.
