अबको ३ दिन पानी पर्न सक्ने
ज्वाला अपडेट
काठमाडौं : कर्णाली लगायतका देशका अधिकांस भुभागमा साधारण माैषम बदलीकाे सम्भावना रहेकाे छ । नेपालमा पश्चिमी वायुको आंशिक प्रभाव रहेको छ । बुधबार बिहान देशको पहाडी भूभागमा आंशिक बदलीको अवस्था छ भने तराईमा हुस्सु र कुहिरो लागेको जनाइएको छ ।
बुधबार दिउँसो कोशी, बागमती, गण्डकी, कर्णाली र सुदूरपश्चिम प्रदेशका पहाडी भूभागमा आंशिकदेखि साधारणतया बदलीको अवस्था रहने मौसम पूर्वानुमान महाशाखाले जनाएको छ ।
आज कोशी, बागमती, गण्डकी, कर्णाली र सुदूरपश्चिम प्रदेशका पहाडी भूभागका एकदुई स्थानमा हल्का वर्षाको सम्भावनासमेत छ । ती प्रदेशका उच्च पहाडी तथा हिमाली भूभागका थोरै स्थानमा हल्का हिमपातकोसमेत सम्भावना रहेको महाशाखाले जनाएको छ । देशका बाँकी भूभागमा पनि आज आंशिक बदलीदेखि मौसम मुख्यतया सफा रहने महाशाखाको पूर्वानुमान छ ।
बिहीबार र शुक्रबार पनि देशको पहाडी भूभागमा आंशिक देखि साधारणतया बदलीकै सम्भावना छ। भने उच्च पहाडी तथा हिमाली भूभागका थोरै स्थानमा हल्का हिमपातको पनि सम्भावना छ ।
बुधबार, माघ ०३, २०८०मा प्रकाशित गरिएको
१.
२.
३.
४.
५.
६.
