सुर्खेत । नेपाल बार एशोसिएसन सुर्खेतको अध्यक्षमा रामबहादुर भण्डारी निर्वाचित भएका छन् । शनिवार सुर्खेतमा सम्पन्न साधारणसभा तथा अधिवेशनले नयाँ नेतृत्व चयन गरेसंगै अध्यक्षमा भण्डारी सहसतकाे नयाँ कार्यसमिति चयन भएकाे हाे ।

‘विकृति, विसङ्गति तथा भ्रष्टाचारमुक्त न्यायपालिका : व्यावसायीक हक, प्रतिष्ठा र पेशागत मर्यादा’ भन्ने मुल नाराका साथ भएको अधिवेशनले १३ सदस्यीय कार्यसमितिकाे अन्य पदहरुमा सहमति जुटेपछि अध्यक्ष र सचिव पदमा निर्वाचनबाट नेतृत्व चयन गरिएको थियाे ।

निर्वाचन प्रणालीबाट सचिवमा खगेन्द्रबहादुर खनाल निर्वाचित भए भने उपाध्यक्षमा अधिवक्ता टोपबहादुर वली, कोषाध्यक्षमा मोतिराम शर्मा, सह सचिवमा आत्मादेवी श्रेष्ठ र सदस्यहरुमा रत्नबहादुर भण्डारी, डम्बरबहादुर थापा, जागेश्वर उपाध्याय, तेजबहादुर बोहोरा, प्रेमबहादुर फडेरा, उपेन्द्रकुमार रावत, मंगलसेन सार्की, केशवविक्रम खड्का, केन्द्रीय पार्षदमा वरिष्ठ अधिवक्ता प्रेमध्वज शाही, अधिवक्ता गीता कोइराला र अधिवक्ता हस्तराज रेग्मी निर्विरोध निर्वाचित भएका छन्।

नेकपा एमाले निटक कानून व्यवसायीहरुको संगठन प्रगतिशिल तथा पेशागत कानून व्यवसायी संगठन पिपिएलएबाट अध्यक्षमा अधिवक्ता रामबहादुर भण्डारी र सचिवमा अधिवक्ता खगेन्द्रबहादुर खनालले प्रतिस्पर्धा गरेका थिए।

प्रतिद्धन्दीमा प्रजातान्त्रिक कानून व्यवसायी संघ डिएलएबाट अधिवक्ता हिमालयजंग शाही र सचिवमा नेकपा माओवादी केन्द्र निकट कानून व्यवसायी संगठनबाट अधिवक्ता शेरबहादुर खत्रीले प्रतिस्पर्धा थिए ।

जम्मा ४० जना मतदाता रहेको उक्त निर्वाचनमा कुल ३७ मत खसेको थियो । अध्यक्षमा भण्डारीले २५ मत प्राप्त गरे भने प्रतिद्धन्दी शाहीले कुल १० मत प्राप्त गरेका थिए ।

सचिव पदमा खनालले २९ मत प्राप्त गरे भने प्रतिद्वन्द्वी खत्रीले ८ मत प्राप्त गरेका थिए ।

बार एशोसिएसनका निवर्तमान अध्यक्ष अधिवक्ता नन्दबहादुर भण्डारीको अध्यक्षतामा सुरु भएको उद्घाटन समारोहमा प्रमुख अतिथि एशोसिएसनका केन्द्रीय उपाध्यक्ष अधिवक्ता उत्तमप्रसाद आचार्य रहेका थिए ।

आइतबार, आषाढ १०, २०८०मा प्रकाशित गरिएको
सम्बन्धित खबरहरु
हामीलाई फेसबुकमा हेर्नुस
ताजा
लोकप्रिय
हाम्रो बारेमा

“निष्पक्ष विचार खोजमुलक समाचार सभ्य समाज निर्माण आजको सरोकार” भन्ने नाराका साथ कर्णाली प्रदेश वीरेन्द्रनगर सुर्खेतमा कार्यालय रहने गरी कम्पनी रजिष्टारको कार्यालय र सुचना विभागमा आधिकारिक दर्ता भई नियमित सञ्चार माध्यमको रुपमा काम गर्दै आएको ज्वाला प्रोडक्सन नेपालद्धारा सञ्चालित WWW.JWALAUPDATE.COM नेपाली भाषाको अनलाईन समाचार पत्रिका हो ।

सम्पर्क कार्यालय : वीरेन्द्रनगर सुर्खेत कर्णाली प्रदेश नेपाल
मो. : ९८४५८०२८९५७, ९८४८१९६९५७
news : [email protected]
add : [email protected]
सुचना विभाग दर्ता नं :…………………..

हाम्रो टिम

प्रकाशक : ज्वाला प्रोडक्सन नेपाल सुर्खेत
प्रधान सम्पादक : कोमल शाही
सम्पादक : गोविन्द बिश्वकर्मा
सह-सम्पादक : खगेन्द्र राना मगर
कला साहित्य : अलिफ खान
Graphic Designer : तीर्थ भण्डारी
web Designer : websoft IT Nepal

संवाददाताहरु

१० वटै जिल्लाबाट संवाददाताहरु आबश्यक्ता परेकाे हुंदा ईच्छुकले सम्पर्क गर्नुहाेला ।