सुर्खेत । वीरेन्द्रनगर १२ सुर्खेतमा रहेको अमर ज्योति नमूना माध्यामिक विद्यालयले विद्यार्थीहरुलाई छात्रबृत्ति वितरण गरेपछि गरिब विपन्न तथा अभिभावक विहिन विद्यार्थीहरुले पढाइमा निरन्तरता दिएका छन् ।

२०१७ सालमा स्थापना भएको उक्त विद्यालयमा कक्षा १२ सम्म अध्यापन हुन्छ । अमरज्योतिले प्लसटु तर्फ विज्ञान, शिक्षा, मानविकी र व्यवस्थापन संकायका साथै प्राविधिक धारका सिभिल सब इन्जिनियरिङ्ग र जियोमेट्रिक्स विषयका कक्षाहरु सञ्चालन गर्दै आएको छ । कर्णाली प्रदेश राजधानीको केन्द्रमा रहेको अमर ज्योतिमा दश वटै जिल्लाका विद्यार्थीहरु अध्ययनरत छन् ।

प्राधानाध्यापक खगेन्द्र थापाका अनुसार हाल करिब तीन हजार बिधार्थीले अध्ययन गरिरहेका छन् । विद्यालय क्षेत्र भित्रका र अन्य ठाउँबाट आउने जेहेन्दार, अनाथ, अभिभावक विहिन बालबालिकाहरुलाई विद्यालयले छात्रबृत्ति प्रदान गर्दै आएको छ । आर्थिक समस्याले बीचैमा अध्ययन छोड्नुपर्ने बाध्यता भएका विधार्थीहरुलाई निरन्तर रुपमा छात्रबृत्ति दिने गरेको प्रअ थापाले बताए । छात्रबृतिले गरिब जेहेनदार विधार्थीहरूको पढाइलाई निरन्तरता मिलेको उनको भनाइ छ । विद्यालयले अक्षय कोष स्थापना गरी विपन्न, जेहेन्दार, अभिभावक विधार्थीहरुलाई छात्रबृत्ति दिँदै आएको हो ।

 

२०६६ सालमा ८ लाख ३२ हजार रुपैँयाबाट सुरु गरिएको अक्षयकोषमा अहिले २६ लाख ४० हजार १६७ रुपैँया जम्मा भएको छ । एक संस्था र २३ जना दाताहरुले उक्त कोषमा योगदान गरेका छन् । कोषबाट हालसम्म पाँच सय ४४ जना विद्यार्थीहरुलाई दश लाख ९८ हजार सात सय रुपैँया छात्रबृत्ति वितरण गरिएको अक्षय कोष समन्वय समितिका संयोजक नवराज खड्काले जानकारी दिए । उनका अनुसार १–५ कक्षा सम्म अध्ययनरत विद्यार्थीलाई एक हजार पाँच सय, ६–८ मा अध्ययनरतलाई दुई हजार र ९–१२ मा अध्ययनरतलाई तीन हजारका दरले छात्रवृत्ति दिने कार्यविधि छ । समितिले आउँदो बर्षसम्म अक्षय कोषको रकम ३५ लाख पु¥याउने लक्ष्य राखेको छ । यसैबीच विद्यालयले सोमबार सहिद दिवसको अवसर पारेर विद्यार्थीहरुलाई यस बर्षको छात्रबृत्ति वितरण गरेको छ । विद्यालयमा स्थापित २४ वटा अक्षयकोष छात्रवृत्तिबाट कक्षा १–१२ सम्मका अध्ययनरत ८४ जना विद्यार्थीहरूलाई अक्षयकोष छात्रवृत्ति गरिएको सहायक प्राधानाध्यापक भूपेन्द्र विसीले जानकारी दिए ।

यस्तै कार्यक्रमको अवसरमा केही दाताहरुले अक्षय कोषमा रकम थप पनि गरेका छन् । मानकुमारी ढकालले २ लाख ५ हजार ५५५, हरिप्रसाद उपाध्यायले १ लाख १ हजार १११ र उमापती इन्द्रा गौतमले ५१ हजार कोषमा योगदान गरेको सहायक प्रअ विसीले बताए । अमरज्योति पूर्व विद्यार्थी मञ्चले एक बर्षभित्रमा २५ लाख रकम कोषमा जम्मा गर्ने घोषणा गरेको छ । मञ्चका अध्यक्ष युवराज पौडेलले उक्त घोषणा गरे । पूर्व विधार्थी समेत रहेकि कर्णाली प्रदेशसभाका सभामुख नन्दा गुरुङ्गले छात्रबृत्ति वितरण कार्यक्रमको उद्घाटन गर्दै समृद्धिका लागि शिक्षामा लगानी अपरिहार्य रहेको बताईन् ।

 

व्यक्तिगत रुपमा अक्षयकोष स्थापना गरी विधार्थीहरुको पढाइमा सहयोग पु¥याउनु महत्वपूर्ण भएको भन्दै सभामुख गुरुङ्गले यस्ता नमूना कार्य अन्य विद्यालय र समुदायले पनि सिक्नुपर्ने बताईन् । विद्यालय व्यवस्थापन समितिका अध्यक्ष पूर्ण प्रसाद पौडेलले सबै वर्ग र समुदायका विधार्थीहरुको शिक्षामा पुहँच पु¥याउनका लागि अक्षयकोष छात्रबृत्ति मार्फत सहयोग गरिएको बताए । उनले आगामी दिनमा अक्षय कोषको रकम बृद्धि गर्ने योजना सुनाउँदै दाता, सरकारी तथा गैरसरकारी निकायहरुलाई सहयोगका लागि आग्रहसमेत गरेका छन् ।

सोमबार, माघ १६, २०७९मा प्रकाशित गरिएको
सम्बन्धित खबरहरु
हाम्रो बारेमा

“निष्पक्ष विचार खोजमुलक समाचार सभ्य समाज निर्माण आजको सरोकार” भन्ने नाराका साथ कर्णाली प्रदेश वीरेन्द्रनगर सुर्खेतमा कार्यालय रहने गरी कम्पनी रजिष्टारको कार्यालय र सुचना विभागमा आधिकारिक दर्ता भई नियमित सञ्चार माध्यमको रुपमा काम गर्दै आएको ज्वाला प्रोडक्सन नेपालद्धारा सञ्चालित WWW.JWALAUPDATE.COM नेपाली भाषाको अनलाईन समाचार पत्रिका हो ।

सम्पर्क कार्यालय : वीरेन्द्रनगर सुर्खेत कर्णाली प्रदेश नेपाल
मो. : ९८५८०२८९५७, ९८४८१९६९५७
news : [email protected]
add : [email protected]
सुचना विभाग दर्ता नं :…………………..

हाम्रो टिम

प्रकाशक : ज्वाला प्रोडक्सन नेपाल सुर्खेत
प्रधान सम्पादक : कोमल शाही
सम्पादक : गोविन्द बिश्वकर्मा
विदेश : खगेन्द्र राना मगर र केवि गोतामे
कला साहित्य : अलिफ खान
Graphic Designer : तीर्थ भण्डारी
web Designer : websoft IT Nepal

संवाददाताहरु

१० वटै जिल्लाबाट संवाददाताहरु आबश्यक्ता परेकाे हुंदा ईच्छुकले सम्पर्क गर्नुहाेला । सम्पर्क माे. ९८५८०२८९५७, ९८४८१९६९५७