ज्वाला अपडेट
नेकपा माओवादी केन्द्रले शनिवार बिहान ८ बजे स्थायी समिति बैठक बोलाएको छ । स्थायी समिति निर्वाचित भएपछि पहिलोपटक प्रचण्ड निवास खुमलटारमा बैठक बोलाएको एक नेताले बताए ।
बैठकमा अखिल क्रान्तिकारीमामाओवादी स्थायी समितिको पहिलो बैठक शनिबार बस्दै देखिएको विवादका विषयमा छलफल हुने एक नेताले बताए । अखिल क्रान्तिकारीमा पञ्चा सिंह नेतृत्वको कमिटीले पूर्णता पाएपनि पवन कार्की पक्षले समानान्तर कमिटी बनाएपछि स्थायी समिति बैठकमा छलफल हुने भएको हो । त्यसका लागि एउटा कमिटी नै बनाएर विवाद समाधान गरिने भएको छ ।
यस्तै स्थानीय चुनावमा अन्तर्घात गरेको विषयमा छानविन गर्न अनुशासन आयोगका अध्यक्ष टंक राईको नेतृत्वमा कमिटी बनाएको छ । सोही कमिटीले समेत पूर्णता पाउने बताइएको छ ।
यस्तै पार्टी पदाधिकारीका विषयमा स्थायी समितिमा छलफल हुने ती नेताले बताए । प्रदेश र संघको चुनावअघि नै पदाधिकारी टुंगो लगाउन अध्यक्ष प्रचण्डलाई दबाब भएपछि टुंग्याउन लागि परेका छन् ।
अरु जनवर्गीय संगठनको कमिटीलाई पूर्णता दिने विषयमा समेत छलफल हुन सक्ने बताएको छ ।
शुक्रबार, आषाढ २४, २०७९मा प्रकाशित गरिएको
१.
२.
३.
४.
५.
६.
