६० हजार लिटर पेट्रोल भोली सुर्खेत आइपुग्ने
ज्वाला अपडेट
सुर्खेत । नेपाल–भारत सिमाना रुपैडियामा रोकिएका पेट्रोलियम पदार्थ बोकेका ट्यांकर भारतले छोडेको छ । तेल आपूर्तीको क्रममा भारतले नयाँ नियम लागू गरेपछि तीन दिनदेखी रुपैडियामा रोकिएका ट्यांकर सोमबार साँझदेखी छोड्न शुरु गरेको हो ।
रुपैडियामा ट्यांकर रोकिएपछि सुर्खेतमा पेट्रोलको चरम अभाव चुलिएको थियो । नेपाल आयल निगम इन्धन डिपो कार्यालय बाँकेका प्रमुख दिपकप्रसाद घिमिरेको पहलमा २५ ओटा तेल बोकेका ट्यांकर पास भएर नेपालका लागि छुटेका छन् ।
भन्सार प्रक्रियाको कारण देखाउँदै रोकिएका ट्यांकर म्यानुअल प्रणालीबाट अहिले छुट्ने क्रम शुरु भएको बताउदै इन्डियन आयल कर्पोरेशन रुपैडियामा रहेका घिमिरेले पाँच लाख लिटर पेट्रोल बोकेका ट्यांक्टर छुटि सकेको र बाँकी ट्यांकर पनि पास गरेर छुटाउने प्रक्रिया जारी रहेको बताए । उनले नेपालका लागि छुटेका ट्यांकरमध्य ६० हजार लिटर पेट्रोल मंगलबार सुर्खेत पठाइने बताए ।
सोमबार, जेठ ३०, २०७९मा प्रकाशित गरिएको
१.
२.
३.
४.
५.
६.
