ज्वाला अपडेट
सुर्खेत । सुर्खेतमा मंगुर माछाको विक्री वितरणमा रोक लगाइएको छ ।
जिल्ला प्रशासन कार्यालय सुर्खेतमा बुधवार बसेको बजार अनुगमन समितिसँग सर्वपक्षीय बैठकले जिल्लामा अवैध तरिकाले भारतीय माछा आउन थालेपछि माछा उत्पादक तथा उपभोक्ताको आग्रहमा मंगुर माछाको बिक्री वितरणमा रोक लगाइने भएको हो ।
उपभोक्ताले भारतबाट ‘फर्मालिन’ प्रयोग गरेको माछा समेत आयात गरेर व्यापारीले बढी मुनाफा कमाउने उद्देश्यले विक्री वितरण गरेको गुनासो गरेपछि बैठकले कुनै पनि व्यापारीबाट औषधि प्रयोग गरिएका माछा बिक्री वितरण गरेको पाइए कडा कारबाही गरिने जनाएको छ ।
सुर्खेतका सहायक प्रमुख जिल्ला अधिकारी ईश्वरीप्रसाद पाण्डेले कुनै पनि व्यापारीले माछालाई कुहिनबाट जोगाउन विषाक्त रसायन प्रयोग गरेको माछा बिक्री वितरण गरेको पाइए कानुन अनुसार हदैसम्मको कारबाही गरिने बताएका छन् ।
उनले बजार अनुगमन समितिलाई समेत बजारमा पाईने माछाको परीक्षण गरी सत्य तथ्य बुझ्न समेत निर्देशन दिए ।
बिहिबार, जेठ १९, २०७९मा प्रकाशित गरिएको
१.
२.
३.
४.
५.
६.
