ज्वाला अपडेट
सुर्खेत । प्रेस सेन्टर नेपाल सुर्खेतको पाँचौं जिल्ला सम्मेलन शुक्रबार वीरेन्द्रनगर सुर्खेतमा सम्पन्न भएकाे छ । सम्मलेनबाट पत्रकार टेकेन्द्र बिस्वकर्मा रसाइलीकाे अध्यक्षतामा नयाँ कार्यसमिती चयन भएकाे छ । जसकाे उपाध्यक्षमा हृदय रिमाल र पशुपता थापा, सचिव यज्ञ खत्री, सहसचिव खिम बुढा र कमला भारती, कोषाध्यक्ष गीता कटुवाल चयन भएका छन् ।
सम्मेलनलाई सम्बाेधन गर्दैं कर्णाली प्रदेश सरकारका आन्तरिक मामिला तथा कानुन मन्त्री सीताकुमारी नेपालीले माओवादी राजनीतिमा प्रेस सेन्टर नेपालको महत्वपूर्ण भूमिका रहेको बताएकी छन् । जनयुद्धदेखि यहाँसम्म आइपुग्दा प्रेस सेन्टरको भूमिका उल्लेखनीय भएको बताउँदै उनले अब आर्थिक र समाजवादको आधार तयार गर्ने नीतिलाई कसरी भविष्य सुनिश्चित गर्ने भन्नेतर्फ लाग्नुपर्ने बताइन् ।
मन्त्री नेपालीले पत्रकारहरूका लागि कल्याणकारी कोष खडा गरेको खण्डमा प्रदेश सरकारले सहयोग गर्न तयार रहेको पनि बताइन् ।
शनिबार, कार्तिक १३, २०७८मा प्रकाशित गरिएको
१.
२.
३.
४.
५.
६.
