ज्वाला अपडेट
सुर्खेत । भेरी नदीमा हामफाल्ने महिलाको पहिचान खुलेको छ । उर्लदो भेरीमा हाम्फाल्ने महिला तिलागुफा नगरपालिका ६ कालिकोट घर भएकी ३१ वर्षीया महिला अमिला दमाई रहेको प्रहरीले जनाएको छ।
बिहीबार दिउँसो वीरेन्द्रनगर ११ स्थित भेरी नदी किनारामा छाता, मोबाईल र कपडा राखेर नदीमा अमिला वेपत्ता भएकी थिइन् । मलामी गएकाहरुले हामफालि सकेपछि उनलाई देखेपछि प्रहरीलाई खवर गरेका थिए । ईलाका प्रहरी कार्यालय छिन्चु र प्रहरी चौकी सुब्बाकुनाबाट गएको टोलीले घटनास्थलमा भएका कागजातका आधारमा उनको पुष्टि गरेको हो ।
प्रहरीले नदीमा हाम फालेर वेपत्ता भएकी अमिलाका दाजु प्रकाश परियारसँग सम्पर्क गरेको होे । उनका दाजु प्रकाशले आफ्नो बहिनी रहेको प्रहरी समक्ष बताएका छन् ।
वीरेन्द्रनगरमै रहेका उनी पनि भेरी नदी जान लागेको जिल्ला प्रहरी कार्यालय सुर्खेतले जनाएको छ । नदीमा वेपत्ता भएकी अमिलाको खोजीमा प्रहरी जुटेको छ । नदीमा पानीको बहाव उच्च रहेकाले भेटाउन मुश्किल भएको घटनास्थलमा खटिएका प्रहरीले जनाएका छन् ।घटनाको थप अनुसन्धान भइरहेको जिल्ला प्रहरी कार्यालय सुर्खेतले जनाएको छ । भिडियाे हेर्न यहाँ क्लिक गर्नुहाेला…….. https://youtu.be/AF4IW9fWBGM
बिहिबार, भाद्र ३१, २०७८मा प्रकाशित गरिएको
१.
२.
३.
४.
५.
६.
