स्थानीयको ख्याल ठट्टामा प्रशासनको कडाई, सुर्खेतमा थपियो दुई हप्ता लकडाउन

ज्वाला अपडेट

५ वर्ष अगाडि

सुर्खेत । सुर्खेतमा निषेधाज्ञा कार्यान्वयनमा स्थानीयले ख्याल ठट्टा गर्न थालेपछि जिल्ला प्रशासन कार्यालयले थप कडाई गर्ने तयारी गरेको छ । बढ्दो कोभिड १९ को स्थितीलाई हेर्दा निषेधाज्ञा थपेर कडाई गर्नुको विकल्प नभएको प्रमुख जिल्ला अधिकारी छविलाल रिजालले बताएका छन् ।
यसअघि लागु भएको कोरोना संक्रमणसँगै मृतक संख्या बढ्दै गएपनि स्थानीयले निषेधाज्ञा उल्लंघन गर्न थालेपछि प्रशासन कडाई गर्ने तयारीमा लागेको हो ।
कोरोना भाइरसलाई स्थानीयले गत बर्ष जस्तो ख्याल ठट्टा ठानेर मापदण्ड उल्लंघन गर्दै गएको बताउर्दै प्रजिअ रिजालले कोभिडलाई सामान्य ठानेर निषेधाज्ञा उल्लंघन गर्ने र स्वास्थ्य मापदण्ड पालना नगर्ने हो भने मर्नेको संख्या ह्वात्तै बढ्ने बताएका हुन् ।
बाँकेले भारतबाट आउनेलाई नरोेकेको अबस्थामा आफ्ना सिमा नाका बबई लगाएत क्षेत्रमा रोके सुर्खेतले थेग्न नसक्ने भएकाले पनि थप समस्या आउने प्रजिअ रिजालको भनाई छ । अब थपिने निषेधाज्ञा अवधिमा कोही कसैले पनि निस्फिक्रि हिडडुल गर्न तथा व्यवसाय संचालन गर्न पाउने छैनन् ।

सुर्खेतमा थप दुई हप्ता निषेधाज्ञा लागु गर्दै कडाई गर्ने तयारी गरिएको छ । बैसाख १४ गते राती १२ बजेदेखि सुरु भएको लकडाउन ३१ गते राती सकिनुपर्नेमा शुक्रबार रातीदेखि लागुहुने गरी थप दुई हप्ता निषेधाज्ञा लागु गर्ने जिल्ला प्रशासन कार्यालय सुर्खेतले जनाएको छ ।